អហ.កណ្តាល៖ ជនសង្ស័យ០៣នាក់ ពាក់ព័ន្ធ​ករណីលួចមានស្ថានទម្ងន់ទោស (ប្លន់)ត្រូវបានកម្លាំងកងរាជ​អាវុធហត្ថ​ ភូមិដុល ឃុំសន្លុង ស្រុកខ្សាច់កណ្តាល ខេត្តកណ្តាល ធ្វើការឃាត់ខ្លួន កាលពីវេលាម៉ោង០៩និង​៣០នាទី ថ្ងៃទី​២៧ ខែធ្នូ​ ឆ្នាំ​២០១៥ ។
ជនសង្ស័យដែលកម្លាំងជំនាញឃាត់ខ្លួនបានមាន 1-ឈ្មោះ សេង ប្រុស ភេទប្រុស អាយុ 32ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិកោះចំការ ឃុំបឹងសាឡាង ស្រុកកំពង់ត្រាច ខេត្តកំពត។
2-ឈ្មោះ គឿន ចាន់ធឿន ភេទប្រុស អាយុ 42ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិថ្មី ឃុំដងទង់ ស្រុកដងទង់ ខេត្តកោះកុង។
3-ឈ្មោះ ធី ភេទប្រុស អាយុ 28ឆ្នាំ មុខរបរ មិនពិតប្រាកដ រស់នៅខេត្តតាកែវ។
បើតាមការរាយការណ៍របស់កងរាជ​អាវុធហត្ថ​ខេត្តកណ្តាល បានឲ្យដឹងថា «ជនសង្ស័យ​ បានជិះម៉ូតូចំនួន 02គ្រឿង ធ្វើសកម្មភាពស្រែកគំរាមនិងធាក់ផ្តួលម៉ូតូជនរងគ្រោះ ឈ្មោះ ទិន ប៊ុនហៃ ភេទស្រី អាយុ 22ឆ្នាំ មុខរបរនិស្សិត ជនជាតិខ្មែរ រស់នៅភូមិព្រៃចាស់ ឃុំវិហារសួគ៏ ស្រុកខ្សាច់កណ្តាល ខេត្តកណ្តាល » ។
ក្រោយពីធ្វើសកម្មភាពរួច កំលាំង អហ ស្រុកទទួលបានព័ត៌មាន បានចេញកម្លាំងតាមចាប់ជនសង្ស័យ ហើយក៍បានឃាត់ខ្លួនជនសង្ស័យ 02នាក់ នៅចំនុចភូមិព្រៃចាស់ ឃុំវិហារសួគ៏ ស្រុកខ្សាច់កណ្តាល ខេត្តកណ្តាល ÷
1-ឈ្មោះ សេង ប្រុស
2-ឈ្មោះ គឿន ចាន់ធឿន
-ចំណែកឈ្មោះ ធី បានជិះម៉ូតូគេចខ្លួនម៉ាក C125ពណ៏ខ្មៅ សេរី2014 ផ្លាកលេខ កណ្តាល 1P-8136។
-សំភារះចាប់យករួមមាន÷
1-ម៉ូតូម៉ាក C125 ពណ៏ខ្មៅ ផ្លាកលេខ កំពង់ឆ្នាំង 1A-7424 (ម៉ូតូជនសង្ស័យ)
2-ម៉ូតូម៉ាកស្កុបពី ពណ៏ស ផ្លាកលេខ ភ្នំពេញ 1CO-2194(ម៉ូតូជនរងគ្រោះ)
3-កាបូបដៃពណ៏ស (របស់ជនរងគ្រោះ) ។

បច្ចប្បន្នជនសង្ស័យនិងវត្ថុតាង អហ ខេត្ត និង ស្រុកកំពុងចាត់ការបន្តតាមនិតិវិធី និង ស្រាវជ្រាវស្វែងរកមុខសញ្ញាជាប់ពាក់ពន្ធ័៕​