កំពង់ឆ្នាំង៖ នៅវេលាម៉ោង ១៤ និង ៣០ នាទីថ្ងៃទី២៤ ខែវិច្ឆិកា ឆ្នាំ២០១៧ កម្លាំងការិយាល័យជំនាញ សហការជាមួយមូលដ្ឋាន កងរាជអាវុធហត្ថស្រុករលាប្អៀរ ចុះបង្រ្កាបករណីជួញដូរ គ្រឿងញៀន ត្រង់ចំនុច វត្តត្រពាំងទឹកត្រជាក់ ស្ថិតក្នុងភូមិអូរតាសេក ឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង ឃាត់ខ្លួនជនសង្ស័យម្នាក់ឈ្មោះ មាន  រ៉ាវី ភេទប្រុស អាយុ ២៧ឆ្នាំ រស់នៅភូមិ ព្រៃតាយឹង ឃុំប្រសូត្រ ស្រុកស្វាយទាប ខេត្តស្វាយរៀង និងដកហូតវត្ថុតាងមាន៖

១-ម្សៅក្រាមពណ៌សចំនួន ១៤ កញ្ចប់ ធំ០១ កញ្ចប់តូច។

២-ម៉ូតូចំនួន ០១ គ្រឿង

៣-ជញ្ជីងថ្លឹងគ្រឿងញៀន ០១ គ្រឿង។

បច្ចុប្បន្ន ជនសង្ស័យ និងវត្ថុតាង មន្ត្រីជំនាញកំពុងកសាងសំណុំរឿង ដើម្បីបន្តតាមនីតិវិធី។