សៀមរាប៖ នៅវេលាម៉ោង ០២ និង ០០នាទី រំលងអធ្រាត្រឈានចូល ថ្ងៃទី២៧ ខែវិច្ឆិកា ឆ្នាំ២០១៧ កម្លាំងកងរាជអាវុធហត្ថខេត្តសៀមរាប បានចុះបង្ក្រាបករណី រក្សាទុក និងចែកចាយគ្រឿងញៀន នៅចំណុចភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប ក្នុងនោះឃាត់ខ្លួនជនសង្ស័យចំនួន ០៣នាក់៖
១-ឈ្មោះ ហេង លាងហ៊ុយ ភេទប្រុស អាយុ ១៨ ឆ្នាំ មុខរបរបើកបរ រស់នៅភូមិវត្តស្វាយ សង្កាត់សាលាកំរើក ក្រុងសៀមរាប ខេត្តសៀមរាប។
២-ឈ្មោះ យាង ពិសាល ភេទប្រុស អាយុ ១៨ ឆ្នាំមុខរបរបោកអ៊ុត ទីលំនៅភូមិអារញ្ញ សង្កាត់សៀមរាប ក្រុងសៀមរាប ខេត្តសៀមរាប។
៣-ឈ្មោះ សៀ គឹមវី ភេទប្រុស អាយុ ១៥ ឆ្នាំ មុខរបរជាងឈើ ទីលំនៅភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប។
ចាប់យកវត្ថុតាងរួមមាន៖
១-ម្សៅគ្រើមម៉ាទឹកកកចំនួន ០៣ កញ្ចប់ ទម្ងន់ ១១,៥០ ក្រាម
២-ទូរស័ព្ទ ០៣ គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្ត កសាងសំណុំរឿង បញ្ជូនទៅសាលាដំបូង ។
