ភ្នំពេញ៖ វេលាម៉ោង ១៩ និង១០ នាទី ថ្ងៃអង្គារ ១០កើត ខែមិគសិរ ឆ្នាំរកា នព្វស័ក ព.ស ២៥៦១ ត្រូវនឹងថ្ងែ ទី២៨ ខែវិច្ឆិកា ២០១៧ ចំនុចផ្លូវ១៧៨ កែងផ្លូវលេខ១៣ សង្កាត់ជ័យជំនះ ។ កម្លាំងមូលដ្ឋានករងរាជអាវុធហត្ថខណ្ឌដូនពេញបង្រ្កាប និងឃាត់ខ្លួនជនសង្ស័យចំនួន ០៣នាក់ ករណីលួច (ឆក់ កាបូបជនបរទេស) មិនបានសំរេច៖

១-ឈ្មោះ សោម ម៉ារ៉ានិត ហៅធ្មេញ ភេទប្រុសអាយុ ១៨ ឆ្នាំមុខរបរធ្វើការនៅ Naga ស្នាក់នៅផ្ទះលេខ ១១២ ផ្លូវជាតិលេខ២ ភូមិព្រែកតាឡុង១ សង្កាត់ចាក់អង្រែក្រោមខណ្ឌមានជ័យ (ជាអ្នកធ្វើសកម្មភាពឆក់)

២-ឈ្មោះ ដារា វិទួ ភេទប្រុស អាយុ ១៥ ឆ្នាំមុខរបរជួសជុលទូរសព្ទ័ដៃ ស្នាក់នៅផ្ទះលេខ១៥ ផ្លូវលំ សង្កាត់ទូលទំពូង១ ខណ្ឌចំកាមន រាជធានីភ្នំពេញ (អ្នកបើកម៉ូតូ)

៣- ឈ្មោះ ហាក់ វណ្ណឆ័យ ហៅសុខ វ៉ា ភេទប្រុស អាយុ ១៦ ឆ្នាំ មុខរបរមិនពិតប្រាកដ ស្នាក់នៅផ្ទះលេខ៥៧ ផ្លូវ១៦ភូមិសន្សំកុសល់​ ក្រុម១ សង្កាត់បឹងទំពុន ខណ្ឌមានជ័យ។

វត្ថុតាងចាប់យកមាន ៖

១-ម៉ូតូចំនួន ០២គ្រឿង

២-កាបូបស្ពាយពណ៌ខ្មៅចំនួន ០១

៣-ទូរស័ព្ទដៃចំនួន ០២គ្រឿង

៤-ប្រាក់ដុល្លា ២៣៥$ (វត្ថុតាងឆក់)។

ជនរងគ្រោះឈ្មោះDAVINA ISAAC ភេទស្រីអាយុ ១៨ឆ្នាំ មុខរបរសិស្ស ជនជាតិអូស្ត្រាលី ស្នាក់នៅសណ្ឋាគារ Frangipanivilla ផ្លូវ១៧៨ បន្ទប់លេខ២០៧ សង្កាត់ជ័យជំនះ ខណ្ឌដូនពេញ កាន់លិខិតឆ្លងដែនលេខPA7843384។

ក្រោយឃាត់ខ្លួន ជនសង្ស័យបានឆ្លើយសារភាពថា ពួកគេពិតជាបានធ្វើសកម្មភាពឆក់កាបូបស្ពាយរបស់ជនរងគ្រោះនៅចំនុចផ្លូវ ១៧៨ កែងផ្លូវលេខ១៣ សង្កាត់ជ័យជំនះខណ្ឌដូនពេញពិតប្រាកដមែន ហើយបក្សពួករបស់គេមានគ្នា ០៤ នាក់ជិះម៉ូតូ ០២ គ្រឿង រត់រូចម្នាក់។ សកម្មភាពឆក់ពួកគេច្រើនធ្វើនៅមូលដ្ឋានខណ្ឌដូនពេញប្រហែល ៥០ ទៅ ៦០ លើកមកហើយបានសំរេចរហូត។

វត្ថុតាងកាបូបស្ពាយនិងសំភារៈកម្លាំងបានធ្វើកំណត់ហេតុប្រគល់ឱ្យទៅជនរងគ្រោះវិញ។

ជនសង្ស័យនិងវត្ថុតាង ត្រូវបានបញ្ជូនទៅការិយាល័យជំនាញ កងរាជអាវុធហត្ថរាជធាំនីភ្នំពេញ ដើម្បីចាត់ការបន្ត ។