ស្វាយរៀង៖ នៅវេលាម៉ោង ១៤ និង ០០ នាទី​ ថ្ងៃ​ច័ន្ទ​ ១រោច ខែ​មិគសិរ ឆ្នាំរកា នព្វស័ក ព. ស. ១៥៦១ ត្រូវនឹងថ្ងៃទី​០៤ ខែ​ធ្នូ​ គ.​​​​​​​​​​ ស.​ ២០១៧ នៅបញ្ជាការដ្ឋានកងរាជអាវុធហត្ថខេត្តស្វាយរៀង បានផ្សព្វផ្សាយអប់រំចិត្តសាស្រ្ត ប្រចាំឆមាសទី២ ឆ្នាំ២០១៧ ដល់នាយទាហាន នាយទាហានរងនៃ កងរាជអាវុធហត្ថខេត្ត ក្រោមអធិបតីភាព លោកឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ តំណាងលោកឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង ក្នុងពិធីនោះដែរមានការអញ្ជើញចូលរួមពី​​ មេបញ្ជាការរង នាយរងសេនាធិការ ដ្ឋានប្រធាន អនុប្រធានមន្ទីរ នាយការិយាល័យ លេខាធិការដ្ឋាន  មេបញ្ជាការរង ក្រុង ស្រុក មេបញ្ជាការគចល័ត និងនាយ នាយរងកងរាជអាវុធហត្ថដែលមានការពាក់ព័ន្ធជាច្រើនរូបទៀត៕