កំពង់ស្ពឺ៖ កម្លាំងកងរាជអាវុធហត្ថខេត្តកំពង់ស្ពឺ សហការជាមួយកម្លាំងកងរាជអាវុធហត្ថខេត្តព្រះសីហនុ និងដោយមានការសម្របសម្រួលពី លោក កែវ សុធា ព្រះរាជអាជ្ញា អមសាលាដំបូង ខេត្តកំពង់ស្ពឺ កម្លាំងបានចុះបង្ក្រាបករណីជួញដូរគ្រឿងញៀន នៅចំណុចភូមិសំបួរ ឃុំកាហែង ស្រុកសំរោងទង ខេត្តកំពង់ស្ពឺ ដោយឃាត់ខ្លួនជនសង្ស័យចំនួន ០៤ នាក់៖
១-ឈ្មោះ អ៊ិន វាសនា ភេទប្រុស អាយុ ១៩ ឆ្នាំ មុខរបរមិនពិតប្រាកដ មានទីលំនៅភូមិមហាសាំង ឃុំមហាសាំង ស្រុកភ្នំស្រួច ខេត្តកំពង់ស្ពឺ
២-ឈ្មោះ សំ សីហា ភេទប្រុស អាយុ១៩ឆ្នាំ មុខរបរបើកឡាន មានទីលំនៅភូមិឃុំ ជាមួយគ្នា
៣-ឈ្មោះ ម៉ៅ ស្រស់ អាយុ ១៨ ឆ្នាំ មានទីលំនៅភូមិ ឃុំជាមួយគ្នា
៤-ឈ្មោះ ឌុច ខុន ភេទប្រុស អាយុ ២៤ ឆ្នាំ មុខរបរជាងសំណង់ មានទីលំនៅភូមិតាប៉ុស ឃុំធម្មតាអរ ស្រុកសំរោងទង ខេត្តកំពង់ស្ពឺ ។
ដកហូតវត្ថុតាងរួមមាន ៖
១-ម៉ូតូ ០១ គ្រឿង
២-ថ្នាំម៉ាទឹកកក ២១កញ្ចប់ ទម្ងន់ ១២,៤៨ ក្រាម
៣-កាំបិត ០២ ដើម
៤-កន្ត្រៃ ០៤
៥-ទូរស័ព្ទ ០៧ គ្រឿង រួមនិងសម្ភារៈសម្រាប់សេពគ្រឿងញៀនមួយចំនួនទៀត។
បច្ចុប្បន្ន ជនសង្ស័យ និងវត្ថុតាងប្រគល់ បញ្ជូនទៅបញ្ជាការដ្ឋានកងរាជអាវុធហត្ថខេត្តព្រះសីហនុ ដើម្បីបន្តនីតិវិធី ។
