អហ.ខណ្ឌចំការមន​៖ ករណីជនសង្ស័យ០២នាក់ប៉ុនប៉ងវាយយកម៉ូតូ នៅ​ចំនុចផ្លូវ២៧១ សង្កាត់ទួលទំពូង២ ខណ្ឌចំការមន កាលពីវេលាម៉ោង​០០និង៣០នាទីរំលងអធ្រាត្រ ឈានចូលថ្ងៃទី​០៣ ខែមករា ឆ្នាំ​២០១៦ ត្រូវបានកម្លាំងកងរាជ​អាវុធហត្ថ​ឃាត់ខ្លួន ក្រោយ​ ទទួលបានបណ្តឹងពីជនរងគ្រោះ ។​

ជនសង្ស័យទាំងពីរខាងលើ ដែលប៉ុនប៉ងវាយប្លន់យកម៉ូតូនេះ មានឈ្មោះ ជា ឆាយឌេន ភេទប្រុស ២៣ឆ្នាំ ជាងមាស ស្នាក់នៅផ្ទះលេខ១៣៦ សង្កាត់ដង្កោ ខណ្ឌដង្កោ ភ្នំពេញ និង យឹម ពុទ្ឋីវិរះ ភេទប្រុស ៣៩ឆ្នាំ លក់គុយទាវ ស្នាក់នៅផ្ទះលេខ៤០៩ ផ្លូវ២៨BT ក្រុម៣ ភូមិសន្សំកុសល សង្កាត់បឹងទំពុន ខណ្ឌមានជ័យ ជិះម៉ូតូ១គ្រម៉ាក Honda C125 ពណ៌ក្រហម ស្លាកលេខ ស្វាយរៀង 1A.5176 ។
បើតាមសម្តីជនរងគ្រោះ បានប្រាប់ដល់កម្លាំងកងរាជ​អាវុធហត្ថឲ្យដឹងថា «មុនពេលកើតហេតុរូបគេ​ជាជនរងគ្រោះបានជិះម៉ូតូម្នាក់ឯងចេញពីផឹកស៊ីម្តុំបឹងត្របែក ពេលជិះមកដល់ផ្លូវ១០៥ ម្តុំលូទឹកស្អុយក៏មានមនុស្ស១ក្រុមប្រហែល៧-៨នាក់ ជិះម៉ូតូប្រហែល 4-5 គ្រឿងបានដេញពីក្រោយជនរងគ្រោះថែមទាំងស្រែកថាចោរៗទើបជនរងគ្រោះជិះម៉ូតូរត់រហូតដល់ក្បែរក្លឹបថបផ្លូវ២៧១ ទើបជនសង្ស័យដែលឃាត់ខ្លួនបានធាក់ម៉ូតូជនរងគ្រោះអោយដួលរួចចុះវាយក្រោយមកកំលាំង អហ ដែលល្បាតក្បែរនោះទៅដល់ក៏ឃាត់បានជនសង្ស័យ២នាក់និងដកហូតម៉ូតូ២គ្រ(Honda Magna ស្លាកលលេខ ភ្នំពេញ 1BR-9518និង Click ពណ៌ស ស្លាកលេខ ភ្នំពេញ 1O-1458)»។
បច្ចុប្ប​ន្នជនសង្ស័យត្រូវបានកម្លាំងអាវុធហត្ថ​ខណ្ឌបញ្ចូនបន្ត ដើម្បីចាត់ការតាមនីតិវិធី​៕​