បន្ទាយមានជ័យ៖ នៅវេលាម៉ោង ១៩ និង ៣០ នាទី ថ្ងៃទី០៥ ខែធ្នូ ឆ្នាំ២០១៧ កម្លាំងកងរាជអាវុធហត្ថខេត្តបន្ទាយមានជ័យ បានចុះបង្ក្រាបករណីជួញដូរ និងប្រើប្រាស់គ្រឿងញៀន នៅចំណុចក្បាលស្ពានថ្ម ស្ថិតក្នុងភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ដោយធ្វើការឃាត់ខ្លួនជនសង្ស័យចំនួន ០៤ នាក់៖

១.ឈ្មោះ ជា ណុច ភេទប្រុស អាយុ ៣៨ ឆ្នាំ

២.ឈ្មោះ ទឹត ច្រិប ភេទស្រី អាយុ ៣៨ ឆ្នាំ អ្នកទាំងពីររស់នៅភូមិ៣ សង្កាត់ព្រះពន្លា ក្រុងសិរីសោភ័ណខេត្តបន្ទាយមានជ័យ

៣.ឈ្មោះ ប៉ក ស៊ីណា ភេទប្រុស អាយុ ៣២ ឆ្នាំ រស់នៅភូមិសែសិន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ

៤.ឈ្មោះ ឌុន សុបញ្ញា ភេទប្រុស អាយុ ១៩ ឆ្នាំ រស់នៅភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។

កម្លាំងបានដកហូតវត្ថុតាងរួមមាន៖

១.ម្សៅក្រាមពណ៌សថ្លា ទឹកកកចំនួន ៣២ កញ្ចប់

២.ថ្នាំញៀនប្រភេទមេតាំហ្វេតាមីនគ្រាប់ ចំនួន ១៦២ គ្រាប់

៣.ម៉ូតូចំនួន ០១ គ្រឿង

៤.ទូរស័ព្ទចំនួន ០១ គ្រឿង។
បច្ចុប្បន្នជនសង្ស័យ និងវត្ថុតាង កម្លាំងជំនាញកងរាជអាវុធហត្ថខេត្ត កំពុងកសាងសំណុំរឿង ដើម្បីចាត់ការបន្តតាមនីតិវិធី។