រតនគិរី៖ ថ្ងៃពុធ ៣រោច ខែមិគសិរ ឆ្នាំរការ នព្វស័ក ព. ស. ២៥៦១ ត្រូវនឹងថ្ងៃទី០៦ ខែធ្នូ គ. ស. ២០១៧ លោកឧត្តមសេនីយ៍ត្រី គឹម រស្មី មេបញ្ជាការកងរាជអាវុធហត្ថខេត្តរតនគិរី

បានអញ្ជើញចូលរួមពិធីក្រុងពាលី សាងសង់អគារមួយខ្នងដែលជាអគារង់ចាំសម្រាលកូន ស្ថិតនៅមណ្ឌលសុខភាពបង្អែក ស្រុកកូនមុំ ក្នុងភូមិ៣ ឃុំត្រពាំងច្រេស ស្រុកកូនមុំ ខេត្តរតនគិរី ។ អគារនេះធ្វើអំពីថ្មប្រក់គ្បឿង ដែលមានទំហំ ១២ម៉ែត្រ គុណនឹង ០៨ ម៉ែត្រ និងមានបីបន្ទប់ សរុបជាទឹកប្រាក់អស់ ២ ម៉ឺនដុល្លារសហរដ្ឋអាមេរិក ហើយជាអំណោយផ្ទាល់របស់ លោកឧត្តមសេនីយ៍ត្រី គឹម រស្មី មេបញ្ជាការកងរាជអាវុធហត្ថខេត្តរតនគិរី។ ពិធីក្រុងពាលីនេះមានការអញ្ជើញចូលរួមពី លោកមេបញ្ជាការរង ប្រធាន-អនុប្រធានមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋានក្រុង-ស្រុក និងប្រធានស្នាក់ការសន្តិសុខផងដែរ។