អហ.សៀមរាប៖ ជនដៃដល់ឈ្មោះ ឈន់ ឆេន អាយុ១៨ឆ្នាំ ត្រូវបានកម្លាំងជំនាញចាប់ខ្លួន នៅយប់ថ្ងៃទី២ ខែមករា ឆ្នាំ២០១៦ ក្រោយកាប់សម្លាប់ក្មេងប្រុស៣នាក់ ប្លន់យកម៉ូតូមួយគ្រឿង នៅស្រុកអង្គរជុំ បានលួចកាត់សោទ្វារនៃមន្ទីរឃុំឃាំង ស្នងការដ្ឋាននគរបាលខេត្តសៀមរាប នៅវេលាទៀបភ្លឺ ថ្ងៃទី៤ ខែមករាឆ្នាំ២០១៦នេះ រត់គេចខ្លួនបាត់ហើយ។
ជនរងគ្រោះទាំង៣នាក់រួមមាន៖ ទី១-ឈ្មោះ អ៊ាំង សូយ ភេទប្រុស អាយុ៨ឆ្នាំ ភូមិគោកដូងថ្មឹ ឃុំគោកដូង ស្រុកអង្គរជុំ, ទី២-ឈ្មោះ មាឌ យ៉ា ភេទប្រុស អាយុ១៣ឆ្នាំ ភូមិគោកត្របែក ឃុំគោកដូង និង
និងទី៣-ឈ្មោះ មិច ក្អាត់ ភេទប្រុស អាយុ១៦ឆ្នាំ ភូមិគោកត្របែក ឃុំគោកដូង ស្រុកអង្គរជុំ។
ទន្ទឹមជាមួយនឹងគ្នានេះដែរ កម្លាំងកងរាជអាវុធហត្ថ និង សមត្ថកិច្ចជំនាញគ្រប់ខេត្តក្រុងទាំងអស់ បានប្រកាសថាបើសិនជាឃើញជនសង្ស័យនេះ ត្រូវតែឃាត់ខ្លួន និងរាយការណ៍ជាបន្ទាន់ ដើម្បីចាប់ជនដៃដល់នេះមកកាត់ទោសតាមផ្លូវច្បាប់ ៕
