កំពង់ឆ្នាំង៖ ព្រឹកថ្ងៃព្រហស្បតិ៍ ៤រោច ខែមិគសិរ ឆ្នាំរកា នព្វស័ក ព. ស. ២៥៦១ ត្រូវនឹងថ្ងៃទី០៧ ខែធ្នូ គ. ស. ២០១៧ នៅបញ្ជាការដ្ឋាន កងរាជអាវុធហត្ថខេត្តកំពង់ឆ្នាំង លោកវរសេនីយ៍ឯក សូរិន្ទី រ៉ាវុឌ្ឍិន មេបញ្ជាការរងនិង ជានាយសេនាធិការ កងរាជអាវុធហត្ថខេត្តកំពង់ឆ្នាំ បានដឹកនាំប្រជុំក្រុមការងារ ពិនិត្យលក្ខណៈសម្បត្តិ ដើម្បីធ្វើការស្នើរសុំលិខិតសរសើរ និងជូនគ្រឿងឥស្សរិយយសដល់បុគ្គល និងអង្គភាពដែលមានស្នាដៃឆ្នើម ក្នុងការកសាងអង្គភាព ការងារគ្រប់គ្រងទ័ព ការងារគ្រប់គ្រងមធ្យោបាយគ្រឿងបំពាក់ ការងារចិញ្ចឹមទ័ព ពិសេសការកសាងអង្គភាពបានរីកចម្រើន ក្នុងកិច្ចប្រជុំនេះ គឺដើម្បីពង្រឹងការងារប្រឡងប្រណាំងរវាងអង្គភាពមួយទៅអង្គភាពមួយ ដោយមានការអញ្ជើញចូលរួមពី លោកមេបញ្ជាការ មូលដ្ឋានក្រុង ស្រុកផងដែរ ។