ភ្នំពេញ៖ នៅវេលាម៉ោង ១៥ និង ៣០ នាទី ថ្ងៃទី០៦ ខែធ្នូ ឆ្នាំ២០១៧ កម្លាំងមូលដ្ឋានកងរាជអាវុធហត្ថ ខណ្ឌជ្រោយចង្វា បានបង្ក្រាបករណីជួញដូរ និងប្រើប្រាស់គ្រឿង ចំណុចក្នុងវត្តចាស់ ភូមិ១ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ដោយធ្វើការឃាត់ខ្លួនជនសង្ស័យចំនួន ០២ នាក់ និងបានដកហូតវត្ថុតាងរួមមាន៖
១.ម្សៅក្រាមពណ៌សថ្លា ទឹកកកចំនួន ០១ កញ្ចប់
២.ទូរស័ព្ទចំនួន ០២ គ្រឿង
៣.ម៉ូតូចំនួន ០១ គ្រឿង
៤.ប្រាក់រៀលចំនួន ៦១.៥០០៛
៥.ប្រាក់ដុល្លាចំនួន ២០ ដុល្លា
៦.នាឡិកាចំនួន ០២ គ្រឿង
បច្ចុប្បន្នជនសង្ស័យ និងវត្ថុតាង បញ្ជូនមកបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីចាត់ការបន្តតាមនីតិវិធី។
