បាត់ដំបងៈ ដើម្បីពង្រឹងលើការងារសន្តិសុខ សណ្តាប់ធ្នាប់ នៅក្នុងខេត្ត ជាពិសេសលើការបង្ក្រាបបទល្មើសគ្រឿងញៀន ក្រោមការដឹកនាំរបស់ លោកឧត្តមសេនីយ៏ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង នៅវេលាម៉ោង១៥ និង០០នាទីរសៀល ថ្ងៃទី០៦ ខែធ្នូ ឆ្នាំ២០១៧ កម្លាំងមូលដ្ឋាន កងរាជអាវុធហត្ថស្រុកបាណន់ បានធ្វើការបង្ក្រាបករណីរក្សាទុក និងចែកចាយនូវសារធាតុញៀនចំនួន០២លើក ស្ថិតនៅចំណុចភូមិក្រពើជើង ឃុំភ្នំសំពៅ ស្រុកបាណន់ ខេត្តបាត់ដំបង ដោយឃាត់ខ្លួនបានជនសង្ស័យចំនួន០៤នាក់។

នេះបើតាមការឱ្យដឹងពីមន្ត្រីជំនាញ កងរាជអាវុធហត្ថខេត្ត បានឱ្យដឹងថា ជនសង្ស័យដែលត្រូវបានកម្លាំងកងរាជអាវុធហត្ថធ្វើការឃាត់ខ្លួននោះរួមមានឈ្មោះៈ
១. រិទ្ធ ធារ៉ា ភេទ ប្រុសអាយុ ២០ ឆ្នាំ មុខរបរ គ្មាន
២. សៀន នុស្សាហ៏ ភេទប្រុស អាយុ១៧ ឆ្នាំ មុខរបរ សិស្ស
៣. ពៅ ជិ ភេទប្រុស អាយុ ១៧ ឆ្នាំ មុខរបរ សិស្ស
៤. ឃឹម ឃីម ភេទ ស្រី អាយុ ៤២ ឆ្នាំមុខរបរលក់ដូរ។
អ្នកទាំង០៤រស់នៅភូមិឃុំកើតហេតុខាងលើ។

មន្ត្រីដដែលបានបន្តទៀតថា ក្នុងការឃាត់ខ្លួនជនសង្ស័យខាងលើនេះផងដែរ កម្លាំងកងរាជអាវុធហត្ថ ក៏បានធ្វើការដកហូត នូវវត្ថុតាងមួយចំនួន ពីជនសង្ស័យរួមមានៈ
១. ថ្នាំញៀនប្រភេទសថ្លា ចំនួន០៥កញ្ចប់ ដែលមានទម្ងន់០.៨៤ក្រាម
២. ម៉ូតូ ចំនួន០២គ្រឿង
៣. ទូរស័ព្ទដៃ ចំនួន០៥គ្រឿង។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធី។