ក្រចេះ៖ ថ្ងៃព្រហស្បតិ៍ ០៤រោច ខែមិគសិរ ឆ្នាំរកា នព្វស័ក ព. ស. ២៥៦១ ត្រូវនឹងថ្ងៃទី០៧ ខែធ្នូ ឆ្នាំ២០១៧ កម្លាំងមូលដ្ឋានកងរាជអាវុធហត្ថក្រុងក្រចេះ ដឹកនាំដោយលោក វរសេនីយ៍ត្រី ផាត សុភ័ក្រ្តវាសនា មេបញ្ជាការ មូលដ្ឋានកងរាជអាវុធហត្ថក្រុងក្រចេះ និងដោយមានការសម្របសម្រួលនីតិវិធីពីលោក ជា សុភ័ក្រ្ត ព្រះរាជអាជ្ញាអមសាលាដំបូងខេត្តក្រចេះ កម្លាំងបានចុះបង្ក្រាប ករណីជួញដូរ និងប្រើប្រាស់នូវសាធាតុញៀនចំនួន ០២ គោលដៅ និងឃាត់ខ្លួនជនសង្ស័យបានចំនួន ០៤ នាក់ រួមមាន៖

១.ឈ្មោះ ឈ្មោះ ម៉ុល ពុទ្ធារៈ ភេទប្រុស អាយុ ២០ ឆ្នាំ រស់នៅភូមិអូរឬស្សី១ សង្កាត់អូរឬស្សី ក្រុងក្រចេះ ខេត្តក្រចេះ

២.ឈ្មោះ គង់ ម៉ានិត ភេទស្រី អាយុ ២៣ ឆ្នាំ រស់នៅភូមិស្រែស្តៅ សង្កាត់អូរឬស្សី ក្រុងក្រចេះ ខេត្តក្រចេះ

៣.ឈ្មោះ រស់ ចាន់ធី ភេទស្រី អាយុ ២៧ ឆ្នាំ រស់នៅភូមិបារាយណ៍ ឃុំតាឡោត ស្រុកបារាយណ៍ ខេត្តកំពង់ធំ

៤.ឈ្មោះ តេង រេង ភេទប្រុស អាយុ ៤៧ ឆ្នាំ រស់នៅភូមិស្រែស្តៅ សង្កាត់អូរឬស្សី ក្រុងក្រចេះ ខេត្តក្រចេះ។
កម្លាំងបានដកហូតវត្ថុតាងរួមមាន៖
១.ម្សៅក្រាមពណ៌សថ្លាចំនួន ០៤ កញ្ចប់

២.កាបូបស្ពាយ ០១

៣.នាឡិកាចំនួន ០១

៤.ទូរស័ព្ទចំនួន ០២គ្រឿង

៥.ប្រាក់រៀលចំនួន ៣.៥០០៛ និងសម្ភារៈសម្រាប់សេពគ្រឿងញៀនមួយចំនួនទៀត។

បច្ចុប្បន្ន ជនសង្ស័យនិងវត្ថុតាង ត្រូវបានមន្ត្រីជំនាញកងរាជអាវុធហត្ថ កំពុងចាត់ការតាមនីតិវិធី។