ក្រចេះ៖ នៅវេលាម៉ោង ១៥ និង ៤០ នាទី ថ្ងៃទី០៨ ខែធ្នូ ឆ្នាំ២០១៧ កម្លាំងស្នាក់ការសន្តិសុខ៧០៧ បានចុះបង្ក្រាបករណីចែកចាយ និងប្រើប្រាស់សារធាតុ​ញៀននៅចំណុចរវៀងជ័យ ផ្ទះជួសជុលម៉ូតូ ភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ ដោយធ្វើការឃាត់ខ្លួនជនសង្ស័យចំនួន ០២ នាក់៖

១.ឈ្មោះ ខា ផាន្នី ភេទប្រុស អាយុ ២២ឆ្នាំ មានទីលំនៅភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ

២.ឈ្មោះ ម៉ាន់ រុម៉ាន្នី ភេទប្រុស អាយុ ២១ឆ្នាំ មានទីលំនៅភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ។ កម្លាំងបានដកហូតវត្ថុតាងរួមមាន៖

១.ម្សៅក្រាមពណ៌ស (ម៉ាទឹកកក)ចំនួន ០៤ កញ្ចប់តូច

២.ទូរស័ព្ទចំនួន ០៤ គ្រឿង

៣.លុយចំនួន ៦៤ ០០០ រៀល និងសម្ភារៈសម្រាប់សេពគ្រឿងញៀនមួយចំនួនទៀត។

ជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្ត កសាងសុំណុំរឿងបញ្ជូនទៅសាលាដំបូងខេត្ត ដើម្បីបន្តតាមនីតិវិធី។