ស្វាយរៀង៖ នៅវេលាម៉ោង ២១ និង ៤០ នាទី ថ្ងៃទី០៨ ខែធ្នូ ឆ្នាំ២០១៧ កម្លាំងកងរាជអាវុធហត្ថខេត្តស្វាយរៀង សហការជាមួយកម្លាំងមូលដ្ឋានកងរាជអាវុធហត្ថស្រុករមាសហែក បានចុះបង្ក្រាបករណីចែកចាយ និងប្រើប្រាស់សារធាតុ​ញៀននៅចំណុចលើស្ពានទឹកវិល ស្ថិតក្នុងភូមិទឹកវិល ឃុំអំពិល ស្រុករមាសហែក ខេត្តស្វាយរៀង ដោយឃាត់ខ្លួនជនសង្ស័យម្នាក់ឈ្មោះ សៅ រៀង ភេទប្រុស អាយុ ២០ ឆ្នាំមុខរបរធ្វើស្រែ ទីលំនៅភូមិទឹកវិល ឃុំអំពិល ស្រុករមាសហែកខេត្តស្វាយរៀង ។

កម្លាំងបានដកហូតវត្ថុតាងរួមមាន៖

១.ម្សៅក្រាមពណ៌ស (ម៉ាទឹកកក)ចំនួន ១០ កញ្ចប់

២.លោហធាតុពណ៌ក្រហមចំនួន ០១ ខ្សែ

៣.ប្រាក់រៀលចំនួន ២៣៦.៥០០៛

៤.ប្រាក់ដុល្លាចំនួន ១០ ដុល្លា។

ជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្តស្វាយរៀង កសាងសុំណុំរឿងបញ្ជូនទៅសាលាដំបូងខេត្ត ដើម្បីបន្តតាមនីតិវិធី។