សៀមរាប៖ នៅវេលាម៉ោង ១៥ និង ០០ នាទី ថ្ងៃទី០៩ ខែធ្នូ ឆ្នាំ២០១៧ កម្លាំងកងរាជអាវុធហត្ថខេត្តសៀមរាប សហការជាមួយកម្លាំងមូលដ្ឋានកងរាជអាវុធហត្ថស្រុកពួក បានចុះបង្ក្រាបករណីចែកចាយ និងប្រើប្រាស់សារធាតុ​ញៀន នៅចំណុចភូមិគោកស្នួល ឃុំខ្នាត ស្រុកពួក ខេត្តសៀមរាប ដោយឃាត់ខ្លួនជនសង្ស័យ ចំនួន ០៣ នាក់រួមមាន៖

១.ឈ្មោះ ភ្លឺ ធៀន ភេទប្រុស អាយុ ៣២​ឆ្នាំ មុខរបររត់ម៉ូតូឌុប ទីលំនៅភូមិស្វាយដង្គំ សង្កាត់ស្វាយដង្គំ ក្រុងសៀមតាប ខេត្តសៀមរាប

២.ឈ្មោះសៅ សាមេឃ ភេទប្រុស អាយុ ១៩ ឆ្នាំ មុខរបរកាត់សក់ ទីលំនៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

៣-ឈ្មោះ អេវ ឆាយ ភេទប្រុស អាយុ ២០ ឆ្នាំ មុខរបររត់តុ ទីលំនៅភូមិអញ្ចាញ សង្កាត់នគរធំ ក្រុងសៀមរាប ខេត្តសៀមរាប។

កម្លាំងបានដកហូតវត្ថុតាងរួមមាន៖

១.ម្សៅក្រាមពណ៌ស (ម៉ាទឹកកក)ចំនួន ១១ កញ្ចប់ ទម្ងន់ ៣,៧៧ក្រាម

២.ទូរស័ព្ទចំនួន ០៣ គ្រឿង។

ជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្តសៀមរាប កសាងសុំណុំរឿងបញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធី។