អហ.កណ្តាល៖ មនុស្ស០៣នាក់ ត្រូវបានកម្លាំងជំនាញកងរាជអាវុធហត្ថ ខេត្តកណ្តាលឃាត់ខ្លួន ពាក់ព័ន្ធករណីប្រើប្រាស់គ្រឿងញៀន កាលពីវេលាម៉ោង១៤និង១៥នាទី ថ្ងៃទី០៨ ខែមករា ឆ្នាំ២០១៦ ។
ក្នុងប្រតិបត្តិការណ៍នេះបានធ្វើឡើង នៅចំណុច រោងចិញ្ចឹមជ្រូករបស់ឈ្មោះ ម៉ាក កែភូ ភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្តាល ដោយឃាត់ខ្លួនជនសង្ស័យ០៣នាក់ មានឈ្មោះ ១/-ឈ្មោះ ម៉ាក កៃភូ ភេទ ប្រុស អាយុ ២៥ ឆ្នាំ ជនជាតិ ខ្មែរ មុខរបរ កសិករ រស់នៅក្នុង ភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្តាល (ចាប់ឃាត់ខ្លួន) ។
២/-ឈ្មោះ ឌុល ស៊ីថេត (យួន) ភេទ ប្រុស អាយុ ១៩ ឆ្នាំ ជនជាតិ ខ្មែរ មុខរបរ កសិករ រស់នៅក្នុង ភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្តាល (ចាប់ឃាត់ខ្លួន) ។
៣/-ឈ្មោះ ហេង សុងលី (ព្រលឹង) ភេទ ប្រុស អាយុ ២៥ ឆ្នាំ ជនជាតិ ខ្មែរ មុខរបរ កសិករ រស់នៅក្នុង ភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្តាល (ចាប់ឃាត់ខ្លួន) ។
ចំណែកជនសង្ស័យ០២នាក់ផ្សេងទៀតបានរត់គេចខ្លួនបាត់ ១-ឈ្មោះ គឹម ហ៊ង (បារាំង) ភេទ ប្រុស អាយុ ២៧ ឆ្នាំ ជនជាតិ ខ្មែរ មុខរបរ កសិករ រស់នៅក្នុង ភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្តាល (រត់គេចខ្លួន) ។២- ឈ្មោះ ឃុន តេង ភេទ ប្រុស អាយុ ២៤ ឆ្នាំ ជនជាតិ ខ្មែរ មុខរបរ កសិករ រស់នៅក្នុង ភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្តាល (រត់គេចខ្លួន) ។
វត្ថុតាងដែលចាប់ដកបានមាន ម្សៅក្រាមពណ៌សថ្លាសង្ស័យជាសារធាតុញៀន (មា៉ទឹកកក) ចំនួន ០១ កញ្ចប់ធំ ទូរស័ព្ទចល័ត ០២ គ្រឿង សម្ភារៈសំរាប់ជក់គ្រឿងញៀនមួយចំនួន៕
