សៀមរាប៖ នៅវេលាម៉ោង១២ និង ០០នាទី ថ្ងៃអង្គារ ០៩រោច ឆ្នាំរកា នព្វស័ក ព. ស. ២៥៦១ ត្រូវនឹងថ្ងៃទី១២ ខែធ្នូ គ. ស. ២០១៧ កម្លាំងកងរាជអាវុធហត្ថខេត្តសៀមរាប បានចុះបង្ក្រាបរណីចែកចាយ និងប្រើប្រាស់សារធាតុញៀន ចំណុចភូមិទក្សិណត្បូង សង្កាត់គោកចក ក្រុងសៀមរាប ខេត្តសៀមរាប ដោយឃាត់ខ្លួនជនសង្ស័យចំនួន ០៦ នាក់ ស្រីម្នាក់ និងដកហូតវត្ថុតាងមួយចំនួនរួមមាន៖
១.ម្សៅក្រាមពណ៌សថ្លាចំនួន ០៤ កញ្ចប់ ទម្ងន់ ៣,៦៨ ក្រាម
២.ទូរស័ព្ទចំនួន ០៦ គ្រឿង។
ជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្ត កសាងសុំណុំរឿងបញ្ជូនទៅសាលាដំបូងខេត្ត ដើម្បីបន្តតាមនីតិវិធី។
