ស្ទឹងត្រែង៖​ នៅរសៀលថ្ងៃសុក្រ ១២រោច ខែមិគសិរ ឆ្នាំរកា នព្វស័ក​ ព.ស.២៥៦១ ត្រូវនឹងថ្ងៃទី១៥​ ខែធ្នូ​ ឆ្នាំ២០១៧​ ចំណុចស្ពានទី២​ ភូមិអូរសាយ ឃុំអូរស្វាយ ស្រុកថាឡាបរិវ៉ាត់ ខេត្តស្ទឹងត្រែង​ ក្រោមបញ្ជាផ្ទាល់​ លោកឧត្តមសេនីយ៍ត្រី​ អៀង​ វ៉ាន់ឌី​ មេបញ្ជាការកងរាជអាវុធហត្ថខេត្តស្ទឹងត្រែង​ កម្លាំងបានបង្ក្រាបករណីជួញដូរ​ ដោយខុសច្បាប់នូវគ្រឿងញៀន ឆ្លងដែន ដោយឃាត់ខ្លួនជនសង្ស័យម្នាក់ ឈ្មោះ​ ថាវ ចឺយ ភេទប្រុស អាយុ​ ៥៨​ ឆ្នាំ ជនជាតិឡាវ មុខរបរកសិករ ទីលំនៅភូមិមឿងមឺន ឃុំនួនហៃ ស្រុកមឿងម៉ឺន ខេត្តវៀងច័ន្ទ ប្រទេសឡាវ​ ដោយចាប់យកវត្ថុតាងរួមមាន÷
១.ថ្នាំញៀនមេតំហ្វេតមីន​ WY ចំនួន​ ០២​ កញ្ចប់​ ធំស្មើនឹង៦០កញ្ចប់តូច​ ទម្ងន់​ ១.៤៧១,៩ក្រាម​ (ថ្លឹងទាំងសំបក)ស្មើនឹង​ ១.១៩១២​ គ្រាប់ទម្ងន់សុទ្ធ​ ១១៨០,៧​ ក្រាម
២.ទូរស័ព្ទចំនួន​ ០១​ គ្រឿង
៣.លុយឡាវ​ ៤១.០០០ គីប (បួនម៉ឺនមួយពាន់គីប)
៤.កាបូបដាក់ខោអាវពណ៌ខ្មៅលាយក្រហមចំនួន​​​​​​ ០១​ ។
បច្ចុប្បន្នវត្ថុតាង​ និងជនសង្ស័យកំពុងឃាត់ខ្លួន​ នៅបញ្ជាការដ្ឋានកងរាជអាវុធហត្ថខេត្តស្ទឹងត្រែង​ ដើម្បីកសាងសំណុំរឿងបញ្ជូនទៅសាលាដំបូងតាមនីតិវិធី។