អហ.កំពង់ចាម៖ ប្តីចិត្តកំណាច់ម្នាក់ ដោយសារតែកម្លាំងចិត្ត​ប្រចណ្ឌ​ប្រពន្ធ​បានដាច់ចិត្ត​ចាក់សាំង​ប៉ង​ដុត​សម្លាប់ប្រពន្ធ បណ្តាលឲ្យរងរបួសធ្ងន់ធ្ងរ នៅចំណុចចំការរបស់ជនរងគ្រោះខាងលិចភូមិរអាងក្រោម ឃុំរអាងស្រុកកំពង់សៀមខេត្តកំពង់ចាម​ កាលពីវេលាម៉ោង០៧​និង​០០នាទី ថ្ងៃទី​០៧ ខែ​មករា ឆ្នាំ២០១៦ ។​
ស្ត្រីរងគ្រោះមានឈ្មោះ លុយ ភាព អាយុ៤៦ឆ្នាំ ជាប្រពន្ធជនល្មើស ឈ្មោះញាន លាប អាយុ៤៦ឆ្នាំ អ្នកទាំងពីររស់នៅក្នុងភូមិកើតហេតុ ដោយសារ​តែចិត្តប្រចណ្ឌ ក៏​យកសាំងពីដបទឹកសុទ្ធតូចចាក់ដុតប្រពន្ធខ្លួនឯងតែម្តង​។​
បើតាមសេចក្តីរាយករណ៍ពីកម្លាំង​កងរាជ​អាវុធហត្ថ​ក្នុងខេត្តកំពង់ចាម បាន​ឲ្យដឹងថា «បណ្តាលមកពីការ ឈ្លោះប្រកែកគ្នារវាង ប្តី និងប្រពន្ធនេះ ហើយបុរសជាប្តីចិត្តខ្លាំង បានយកប្រេងសាំង ចាក់ស្រោចលើប្រពន្ធ រួចដុតតែម្តង បណ្តាលឲ្យស្ត្រីជាប្រពន្ធរង របួសជាតំណំ ត្រូវបានសាច់ញាតិដឹកមកសង្គ្រោះ នៅមន្ទីរពេទ្យភ្នំពេញ​​» ។​
រហូរដល់ម៉ោង១៧​និង​០០នាទី ថ្ងៃខែឆ្នាំដដែលប្រជាពលរដ្ឋបានប្រទះឃើញសពឈ្មោះ ញាន លាភ ដេកស្លាប់នៅក្នុងព្រៃម្តុំក្បែរចំការរបស់ជនរងគ្រោះ ដោយមានស្លាកស្នាមឆេះរោលពេញខ្លួន។សមត្ថកិច្ច​សន្និដ្ឋានថា ករណីនេះជនសង្ស័យបានចាក់សាំងដុតធ្វើអត្តឃាតរួមគ្នា៕