កំពង់ស្ពឺ៖ នៅវេលាម៉ោង ០០ និង ១៥ រំលងអធ្រាត្រឈានចូលថ្ងៃសៅរ៍ ១៣រោច ខែមិគសិរ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១៦ ខែធ្នូ ឆ្នាំ២០១៧ កម្លាំងមូលដ្ឋានកងរាជអាវុធហត្ថក្រុងច្បារមនចេញល្បាតក្នុងភូមិសាស្រ្តបានឃាត់ខ្លួនជនសង្ស័យម្នាក់ នៅចំណុចមុខផ្ទះសំណាក់ជំនោរាត្រី ភូមិទួលគោក សង្កាត់ស្វាយក្រវ៉ាន់ ក្រុងច្បារមន។ ជនសង្ស័យមានឈ្មោះ ញ៉ែម ប្រុស ភេទប្រុស អាយុ ៣២ឆ្នាំ មុខរបកម្មករសំណង់ រស់នៅភូមិទួលគោក សង្កាត់ស្វាយក្រវ៉ាន់ ក្រុងច្បារមន ។

វត្ថុតាងចាប់យករួមមាន៖

១.ម្សៅក្រាមពណ៌សថ្លា ម៉ាទឹកកក ចំនួន ០៥ កញ្ចប់

២.ម៉ូតូចំនួន ០១គ្រឿង ។

ជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្ត កសាងសំណុំរឿងបញ្ជូនទៅសាលាដំបូង ដើម្បីចាត់ការតាមនីតិវិធី។