កំពត៖ នៅវេលាម៉ោង១៣ និង ៤០ នាទីថ្ងៃច័ន្ទ ០១កើត ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១៨ ខែធ្នូ ឆ្នាំ២០១៧ កម្លាំងកងរាជអាវុធហត្ថហត្ថខេត្តកំពតដឹកនាំដោយ លោកវរសេនីយ៍ទោ ហែម ចាន់ដារ៉ា មេបញ្ជាការរង និងជាប្រធានមន្ទីរយុត្តិធម៌កងរាជអាវុធហត្ថខេត្ត ដោយមានការសម្រួលនីតិវិធីពីលោកលោក ម៉ុត ដារ៉ា ព្រះរាជអាជ្ញារងអមសាលាដំបូងខេត្តកំពត និងដោយមានការសហការជាមួយកម្លាំងកងរាជអាវុធហត្ថខេត្តកែប កម្លាំងបានចុះបង្ក្រាបករណី ជួញដូរគ្រឿងញៀន នៅចំណុចភូមិចំការបី  ឃុំពងទឹក ស្រុកដំណាក់ចង្អើរ ខេត្តកែប ដោយឃាត់ខ្លួនជនសង្ស័យចំនួន 0៥នាក់រួមមាន៖

១.ឈ្មោះ សំ ពុទ្ធារិទ្ធិ ភេទប្រុស អាយុ ៣២ ឆ្នាំ មុខរបរធ្វើចំការ រស់នៅភូមិ ឃុំ ខាងលើ

២.ឈ្មោះ ថត វណ្ណៈ ភេទប្រុស អាយុ ២១ ឆ្នាំ មុខរបរមិនពិតប្រាកដ រស់នៅភូមិព្រៃធំ ឃុំពងទឹក ស្រុកដំណាក់ចង្អើរ ខេត្តកែប

៣.ឈ្មោះ សែល ឡាក់ ភេទប្រុស អាយុ ២៤ ឆ្នាំ មុខរបរធ្វើចំការ រស់នៅភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប

៤.ឈ្មោះ យន់ សូរីយេ ភេទប្រុស អាយុ ១៩ ឆ្នាំ មុខរបរនេសាទ រស់នៅភូមិដំណាក់ចង្អើរ ឃុំព្រៃធំ ស្រុកដំណាក់ចង្អើរ ខេត្តកែប

៥.ឈ្មោះ ឡុច សម្ផស្ស ភេទប្រុស អាយុ ១៧ ឆ្នាំ មុខរបរជាសិស្ស រស់នៅភូមិព្រៃធំ ឃុំព្រៃធំ ស្រុកដំណាក់ចង្អើរ ខេត្តកែប។

កម្លាំងបានចាប់យកវត្ថុតាងរួមមាន៖

១.ម្សៅក្រាមពណ៌សថ្លា ចំនួន ០៤ កញ្ចប់តូច

២.ម៉ូតូចំនួន ០៤គ្រឿង ។

ជនសង្ស័យ និងវត្ថុតាងបញ្ជូលមកបញ្ជាការដ្ឋានកងរាជអាវុធហត្ថខេត្តកំពត ដើម្បីកសាងសំណុំរឿងបញ្ជូនទៅតុលាការ។