បន្ទាយមានជ័យ៖ នៅវេលាម៉ោង ០៨ និង ៣០នាទី ថ្ងៃទី២៤ ខែធ្នូ ឆ្នាំ២០១៧ កម្លាំងកងរាជអាវុធហត្ថខេត្តបន្ទាយមានជ័យ សហការជាមួយកម្លាំងមូលដ្ឋានកងរាជអាវុធហត្ថក្រុងសិរីសោភ័ណ បានចុះបង្ក្រាបករណី ជួញដូរ និងប្រើប្រាក់គ្រឿងញៀននៅចំណុចភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ ដោយឃាត់ខ្លួនជនសង្ស័យចំនួន ០៤នាក់រួមមាន៖

១.ឈ្មោះ អឿន មករា ហៅ គឹមណាវ៉ារ៉ា ភេទប្រុស អាយុ ៣៤ឆ្នាំ មុខរបររត់តាក់ស៊ី បច្ចុប្បន្នរស់នៅភូមិសែសិន សង្កាត់អូរអំបិល ក្រុងសិរីសោភ័ណ

២.ឈ្មោះ គៀត វួនសុផល ភេទប្រុស អាយុ ៣៤ឆ្នាំ មុខរបរមិនពិតប្រាកដ បច្ចុប្បន្នរស់នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ

៣.ឈ្មោះ ស៊ឹម សារ ភេទស្រី អាយុ ២៥ឆ្នាំ មុខរបរបម្រើការងារនៅហាង បច្ចុប្បន្នរស់នៅភូមិចក សង្កាត់ព្រះពន្លា ក្រុងសិរីសោភ័ណ

៤.ឈ្មោះ ឃុន សាវ៉ាន់ ភេទប្រុស អាយុ ១៥ឆ្នាំ មុខរបរមិនពិតប្រាកដ បច្ចុប្បន្នរស់នៅភូមិវាលម្រេះ ឃុំគ្រញូងសែនជ័យ ស្រុកស្នួល ខេត្តក្រចេះ។

កម្លាំងបានចាប់យកវត្ថុតាងមួយចំនួនរួមមាន៖

១.គ្រឿងញៀនមេតំហ្វេតាមីនគ្រាប់ចំនួន ៥១គ្រាប់

២.គ្រឿងញៀនមេតំហ្វេតាមីនទឹកកកចំនួន ១៣កញ្ចប់ ស្មើនឹង ១៨,៨៨ក្រាម

៣.រថយន្តចំនួន ០១គ្រឿង

៤.ទូរស័ព្ទចំនួន ០៣គ្រឿង

៥.លិខិតឆ្លងដែនចំនួន ០១

៦.ជញ្ជីងសម្រាប់ថ្លឹងចំនួន ០១គ្រឿង រួមជាមួយសម្ភារៈវិចខ្ចប់ និងប្រើប្រាស់គ្រឿងញៀនមួយចំនួនទៀត ។