អហ.បន្ទាយមានជ័យ៖ នៅវេលាម៉ោង១៤និង៣០នាទី ថ្ងៃទី៩ ខែមករា ឆ្នាំ២០១៦នៅចំណុច លើខ្នងប្រលាយស្ថិតក្នុងភូមិ កោះកែវ ឃុំ ឫស្សីក្រោក ស្រុកមង្គលបូរី ខេត្តបន្ទាយមានជ័យ កម្លាំងការិយាល័យបទល្មើសគ្រឿងញៀន សហការជាមួយកម្លាំងកងរាជអាវុធហត្ថមូលដ្ឋានស្រុកមង្គលបូរី ដឹកនាំដោយលោកវរ:សេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តទទួលលើការងារបទល្មើសគ្រឿងញៀន បានធ្វើប្រតិបត្តិការបង្រាបករណីជួញដូរគ្រឿងញៀន ឃាត់ខ្លួនជនសង្ស័យបានចំនួន១នាក់ឈ្មោះ ហឿន ម៉ានិត ភេទ ប្រុស អាយុ១៦ឆ្នាំជនជាតិខ្មែរដែលមានទីលំនៅបច្ចុប្បន្ន ភូមិ ឫស្សីក្រោក ឃុំ ឫស្សីក្រោក ស្រុកមង្គលបូរី ខេត្តបន្ទាយមានជ័យ ព្រមទាំងដកហូតវត្ថុតាងគ្រឿងញៀនមេតំហ្វេតាមីន ទឹកកក ចំនួន២កូនថង់កិប ទម្ងន់២,៣ក្រាម។
តាមការសួរចម្លើយរបស់សមត្ថកិច្ចជនសង្ស័យបានឆ្លើយសារភាពថារូបគេពិតជាធ្លាប់លក់គ្រឿងញៀនមែន។បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនទៅសាលាដំបូងខេត្តចាត់ការតាមនិតិវិធីច្បាប់៕