កណ្តាល៖ នៅថ្ងៃអង្គារ ០៩កើត ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៦ ខែធ្នូ ឆ្នាំ២០១៧ កម្លាំងមូលដ្ឋានកងរាជអាវុធហត្ថស្រុកលើកដែក សហការជាមួយកម្លាំងគណៈបញ្ជាការឯកភាពស្រុកលើកដែក បានចុះបង្រ្កាបបទល្មើសជលផលនៅចំណុចបឹងខ្យង ក្នុងឃុំព្រែកដាច់ ស្រុកលើកដែក ខេត្តកណ្តាល ដោយបានរឹបអូសលូស្បៃមុងចំនួន ៣៤មាត់លូ របាំងស្បៃមុងប្រវែង ១៧០០ម៉ែត្រ បង្គោលចំនួន ១៥០០ដើម លបណារ៉ាវ ០៤លប របាំងសាច់អួន ប្រវែង ២០០ម៉ែត្រ និងបានលែងកូនត្រីប្រមាណ ១០០គីឡូក្រាមចូលបឹងវិញ ចំណែកឯសម្ភារៈល្មើសទាំងអស់ត្រូវបានកំទេចចោលនៅនឹងកន្លែងតែម្តង។