ភ្នំពេញ ៖ ជនសង្ស័យម្នាក់ធ្វើសកម្មភាពប៉ុនប៉ងកាច់កម៉ូតូ ត្រូវបាន អហ ខណ្ឌដូនពេញឃាត់ខ្លួន កាលពីវេលាម៉ោង០១និង១៥នាទីទៀបភ្លឺ ឈានចូលថ្ងៃទី១១ ខែមករា ឆ្នាំ២០១៦ ។
ហេតុការណ៍នេះបានកើតឡើង នៅចំណុចផ្លូវលេខ១៤៨ កែង១៣ សង្កាត់ផ្សារកណ្តាលទី២ ខណ្ឌដូនពេញ ។ ជនសង្ស័យដែលធ្វើសកម្មភាពប៉ុនប៉ង់កាច់កម៉ូតូនេះ មានឈ្មោះ ឌួង តាក់ ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវ៨១ សង្កាត់ផ្សារថ្មី២ ខណ្ឌដូនពេញ ដោយចាប់ដកវត្ថុតាង សោរសម្រាប់កាច់ករម៉ូតូចំនួន០១ឈុត សោរម៉ូតូ០២ ។
បើតាមសម្តីសមត្ថកិច្ចបានឲ្យដឹងថា «ករណីនេះជនរងគ្រោះមិនបានដាក់ពាក្យបណ្តឹងនៅឡើយ ព្រោះរវល់ធ្វើការនៅស្តាម៉ាត ណាមួយថៅកែមិនអនុញ្ញាត ព្រោះស្ថិតក្នុងម៉ោងធ្វើការងារ តែជនរងគ្រោះបានប្រាប់ថា ពេលហើយការងារនឹងដាក់ពាក្យបណ្តឹងតាមក្រោយ» ៕
