កំពង់ចាម៖ នៅវេលាម៉ោង ១០ និង ១៥ នាទី ថ្ងៃទី២៨ ខែធ្នូ ឆ្នាំ២០១៨​ នៅចំណុចផ្លូវលំ ស្ថិតនៅភូមិពព្រេង  ឃុំស្ពឺ ស្រុកចំការលើ ខេត្តកំពង់ចាម កំលាំងជំនាញមន្ទីរយុត្តិធម៌កងរាជអាវុធហត្ថខេត្តកំពង់ចាម សហការជាមួយកំលាំងមូលដ្ឋានកងរាជអាវុធហត្ថស្រុកចំការលើ បានចុះបង្រ្កាប ករណីជួញដូរគ្រឿងញៀន ដោយឃាត់ខ្លួនជនសង្ស័យបានម្នាក់ ឈ្មោះ អោក ស្រស់ ភេទប្រុស អាយុ ២៦ឆ្នាំ ជនជាតិខ្មែរ រស់នៅភូមិ០៤ ឃុំជប់ ស្រុកត្បូងឃ្មុំ ខេត្តត្បូងឃ្មំ និងចាប់យកវត្ថុតាងរួមមាន៖

១.ម្សៅក្រាមពណ៌ស ចំនួន 0៥កញ្ចប់តូច ទម្ងន់ 0.៩៩ក្រាម

២.ទូរស័ព្ទដៃ 0២គ្រឿង។

ជនសង្ស័យ និងវត្ថុតាងត្រូវបានមន្ត្រីជំនាញ កងរាជអាវុធហត្ថកសាងសំណុំរឿង បញ្ជូនទៅសាលាដំបូងខេត្ត។