បាត់ដំបង៖ នៅវេលាម៉ោង ១៦និង ៣០នាទី ថ្ងៃទី៣០ ខែធ្នូ ឆ្នាំ២០១៧ កម្លាំងកងរាជអាវុធហត្ថខេត្តបាត់ដំបង បានបង្ក្រាបករណីចែកចាយ និងប្រើប្រាស់គ្រឿងញៀននៅចំណុច ភូមិអូរពងមាន់ ឃុំតាគ្រាម ស្រុកបាណន់ ខេត្តបាត់ដំបង ដោយបានឃាត់ខ្លួនជនសង្ស័យចំនួន ០៣នាក់៖

១.ឈ្មោះ ជុង កាន ភេទប្រុស អាយុ ៣១ឆ្នាំ មុខរបរធ្វើស្រែ ទីលំនៅភូមិអូរពងមាន់ ឃុំតាគ្រាម ស្រុកបាណន់

២.ឈ្មោះ ឈួន សុភា ភេទប្រុស អាយុ ១៨ឆ្នាំ មុខរបរមិនពិតប្រាកដ ទីលំនៅភូមិក្រពើកើត ឃុំភ្នំសំពៅ ស្រុកបាណន់

៣.ឈ្មោះ សៀង ស៊ីញ ភេទប្រុស អាយុ ១៩ឆ្នាំ មុខរបរទិញអេតចាយ ទីលំនៅភូមិតាង៉ែន ឃុំតាគ្រាម ស្រុកបាណន់។

កម្លាំងបានចាប់យកវត្ថុតាងរួមមាន៖

១.គ្រឿងញៀន(ម៉ាទឹកកក)ចំនួន ៣៧ កញ្ចប់ ទម្ងន់ ២៦,៧៨ ក្រាម

២.ជញ្ជីងថ្លឹងគ្រឿងញៀនចំនួន ០១ គ្រឿង

៣-ទូរស័ព្ទដៃចំនួន ០២ គ្រឿង

៤-ម៉ូតូចំនួន ០៣ គ្រឿង

បច្ចុប្បន្ន មន្ត្រីជំនាញកំពុងកសាងសំណុំរឿង ដើម្បីបញ្ជូនទៅតុលាការ។