អហ.ខណ្ឌមានជ័យ៖ ជនសង្ស័យ០២នាក់ ជាមុខសញ្ញា គាស់ផ្ទះ និងវាយប្លន់ ទ្រព្យសម្បត្តិពីប្រជាពលរដ្ឋ យ៉ាងសកម្មនៅក្នុងខណ្ឌមានជ័យ ត្រូវបានកម្លាំងជំនាញឃាត់ខ្លួន កាលពីវេលាម៉ោង១០និង២០នាទី ថ្ងៃទី១១ ខែមករា ឆ្នាំ២០១៦ នៅចំនុចផ្លូវប៉េតុង ក្រុម០៥ ភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
ជនសង្ស័យដែលកម្លាំងជំនាញឃាត់ខ្លួន មានឈ្មោះ ១.ឈ្មោះ កង សម្បត្តិ ហៅ អាប៊ឹ ភេទប្រុស អាយុ ១៥ឆ្នាំ និង អែត ងោ ហៅអាង៉ោល ភេទប្រុស
អាយុ ១៩ ឆ្នាំ មុខរបរ មិនពិប្រាកដ មិនពិតប្រាកដ និងកន្លែងស្នាក់នៅភូមិកើត ហេតុខាងលើ។
បើតាមកម្លាំងជំនាញបានរាយការណ៍ឲ្យដឹងថា ជនសង្ស័យទាំងពីរនាក់នេះ បានធ្វើសកម្មភាពវាយប្លន់ និងលួច ៣លើក ដោយលើកទី១
វេលាម៉ោងប្រហែល ១០៖០០នាទីយប់ ថ្ងៃទី០៩ ខែមករា ឆ្នាំ២០១៦ ជនសង្ស័យ ទាំង០២ នាក់ ដែលឃាត់ខ្លួនក្នុង ចំណោម បក្ខពួកម្នាក់ ទៀតដែល
គេស្គាល់ថា ឈ្មោះ វឹន បានអង្គុយ នៅច្រកផ្លូវងងឹត ក្រោយសាលាណត្សឡាញន៍ ភូមិកើតហេតុខាងលើ ដែលបំរុងធ្វើសកម្មភាព អ្វីមួយ ដោយឃើញសង្ស័យ កំលាំងល្បាត់បានទៅសួរនាំដើម្បីឆែកឆែរ ស្រាប់តែជនសង្ស័យទាំង០៣នាក់ ទំលាក់ដាវ ០២ កាំបិត តូចមួយរត់ គេចខ្លួនបាត់។
លើកទី២ វេលាម៉ោង ១១៖០០នាទីយប់ថ្ងៃទី០៩ ខែមករា ឆ្នាំ២០១៦
ជនសង្ស័យទាំង ០២ នាក់ បានធ្វើសកម្មភាពចូល លួច កង ០១គ្រឿងបានសំរេច នៅក្នុងផ្ទះជួល ភូមិដំណាក់ធំ សង្កាត់ស្ទឹង មានជ័យ ខណ្ឌមានជ័យ ។ក្រោយពីទទួលពាក្យ បណ្តឹងផ្ទាល់មាត់មកកំលាំង អ ហ យើងឲជួយរកជនសង្ស័យ និងកង់ម៉ោង ០១៖០០នាទីយប់ឈានចូលថ្ងៃទី១១ ខែឆ្នាំដដែល បណ្ដាញយើងរកឃើញកងនោះដោយ ជនសង្ស័យយកទៅលក់ កន្លែងអេតចាយ ក្នុងតំលៃ ៤ម៉ឺនរៀល ហើយកំលាំង យើងក៏ទៅលោះយក កង់នោះមករក្សារទុកជា ភស្តុតាង។
លើកទី៣ ប្រហែល វេលាម៉ោង ០១៖០០នាទី យប់ឈានចូលថ្ងៃទី១១ និងខែមករា ឆ្នា២០១៦ ជនសង្ស័យ ទាំង០២នាក់ បានធ្វើសកម្មភាព វាយប្លន់ យកទូរស័ព្ទ ម៉ាក
SAMSUNG កាឡាក់ស៊ី ណូត ០១គ្រឿងបានសំរេច ពីស្ត្រីម្នាក់ ក្នុងចំណោមគ្នីគ្នា០៥នាក់ ប្រុស០២នាក់ ដែលកំពុងធ្វើដំចេញពីក្លឹប CT លុះដល់ចំនុចកើត ហេតុ ជនសង្ស័យធ្វើ សកម្មភាពតែម្ដង។ ទូរស័ព្ទ ត្រូវបាន ជនសង្ស័យយកទៅ បញ្ចាំ ក្នុងតំលៃ ៣០$ ។
បច្ចុប្បន្នជនសង្ស័យនិងវត្ថុតាង ត្រូវបានបញ្ជូនទៅ អ ហ ខណ្ឌដើម្បី សួរនាំ គោរពសុំការអនុញ្ញាតិមេបញ្ជូនមកការិយាលយ័ជំនាញ អហ ក្រុង ដើម្បីចាត់ការទៅតាម និតិវិធី៕
