អហ.ដូនពេញ៖ នៅចំណុចផ្លូវ៦៣ កែង ១៣៦ សង្កាត់ផ្សារថ្មី១ អហ ដូនពេញ បង្រ្កាប និង ឃាត់ខ្លួនជនសង្ស័យចំនួន០២នាក់ ករណីឆក់ទូរស័ព្ទដៃ របស់ជនបរទេស កាលពីវេលាម៉ោង១៤និង០០នាទី ថ្ងៃទី១២ ខែមករា ឆ្នាំ២០១៦ ។
ជនសង្ស័យ០២នាក់ដែលកម្លាំងជំនាញឃាត់ខ្លួនមានឈ្មោះ ១.ឈ្មោះ លី កឹមសាន ភេទប្រុស អាយុ២២ឆ្នាំមុខរបរនិងទីលំនៅមិនពិតប្រាកដ ជាអ្នកឆក់
២.ឈ្មោះ សៅ សុខុម ភេទប្រុស អាយុ២៤ឆ្នាំមុខរបរនិងទីលំនៅមិនពិតប្រាកដ ជាអ្នកបើកម៉ូតូ បានធ្វើសកម្មភាពឆក់ទូរស័ព្ទដៃពីជនរងគ្រោះឈ្មោះ ALICE UNWIN AUSTIN ភេទស្រី អាយុ២១ឆ្នាំ ជនជាតិអូស្រ្តាលី ។
វត្ថុតាងចាប់ដកបានមាន ម៉ូតូ០១គ្រឿងម៉ាកហុងដា C125ពណ៏ខ្មៅ ពាក់ស្លាកលេខភ្នំពេញ1L- 8466ទូរស័ព្ទ០១គ្រឿងម៉ាក iPhone6 ពណ៌ខ្មៅ(ជារបស់ជនរងគ្រោះ) ។
បើតាមសមត្ថកិច្ចខណ្ឌដូនពេញ បានប្រាប់ឲ្យដឹង ជនរងគ្រោះកំពុងឈរចុចទូរស័ព្ទនៅចំនុចផ្លូវ១៥៤កែង៦៣ ស្រាប់តែ ជនសង្ស័យ០២នាក់ខាងលើបានជិះម៉ូតូ០១គ្រឿងម៉ាកហុងដា C125ពណ៏ខ្មៅ ពាក់ស្លាកលេខ ភ្នំពេញ 1L:8466 មកក្បែរហើយធ្វើសកម្មភាពឆក់ទូរស័ព្ទដៃ០១គ្រឿងម៉ាក iPhone6 ពណ៌ខ្មៅ។ក្រោយពីឆក់បានសម្រេចហើយ ជនសង្ស័យបានព្យាយាមជិះម៉ូតូគេចខ្លួនតាមបណ្តោយផ្លូវ១៩ពីជើងទៅត្បូង រីឯជនរងគ្រោះបានស្រែកឆោឡោឡើងឲ្យគេជួយ ភ្លាមនោះកំលាំងយើងដែលកំពុងតែល្បាតក្បែរនោះឃើញក៏បានចុះអន្តរាគមន៏ដេញប្រផាប់ចាប់ប្រភីង រហូតដល់ចំនុចផ្លូវ១៣៦កែង៦៣ ជនសង្ស័យបានផ្តួលម៉ូតូចោលហើយបានព្យាយាមរត់គេចខ្លួនចូលក្នុងផ្សារថ្មី ហើយជនសង្ស័យឈ្មោះ លី កឹមសាន បានបោះទូរស័ព្ទរបស់ជនរងគ្រោះចូលក្នុងតូបលក់ឥវ៉ាន់ក្បែរនោះ ហើយត្រូវកំលាំងយើងឃាត់ខ្លួនបានទាំង០២នាក់យកមកមូលដ្ឋានអហដូនពេញតែម្តង។
បច្ចុប្បន្ន ទូរស័ព្ទ បានប្រគល់ជូនដល់ជនរងគ្រោះវិញ ៕
