កំពង់ចាម៖ នៅវេលាម៉ោង ១១ និង ០០នាទីថ្ងៃទី១៥ ខែមករា ឆ្នាំ២០១៨ កម្លាងជំនាញកងរាជអាវុហត្ថខេត្តកំពង់ចាម សហការជាមួយកម្លាំងមូលដ្ឋានកងរាជអាវុធហត្ថស្រុកព្រៃឈរ បានចុះបង្ក្រាបករណីជូញដូរ និងប្រើប្រាស់គ្រឿងញៀន នៅចំនុចភូមិកកោះ ឃុំត្រពាំងព្រះ ស្រុកព្រៃឈរ ខេត្តកំពង់ចាម ដោយឃាត់ខ្លួនជនសង្ស័យម្នាក់ឈ្មោះ អុច សុខគឿន ហៅ អែម ភេទប្រុស អាយុ ២៦ឆ្នាំ រស់នៅភូមិកកោះ ឃុំត្រពាំងព្រះ ស្រុកព្រៃឈរ ខេត្តកំពង់ចាម។កម្លាំងបានដកហូតវត្ថុតាងមាន ម្សៅក្រាមពណ៌សថ្លាចំនួន ០២កញ្ចប់ ទម្ងន់ ០,៧១ ក្រាម និងទូរស័ព្ទចំនួន ០១គ្រឿង។

ជនសង្ស័យ និងវត្ថុតាង មន្ត្រីជំនាញកងរាជអាវុធហត្ថ កំពុងកសាងសំណុំរឿង ដើម្បីចាត់ការតាមនីតិវិធី។