សៀមរាប៖ នៅវេលាម៉ោង ២០ និង៤០ នាទី  ថ្ងៃទី១៦ ខែមករា ឆ្នាំ២០១៨ កម្លាំងមូលដ្ឋានកងរាជអាវុធហត្ថក្រុងសៀមរាប បានចុះបង្ក្រាបករណី រក្សាទុក និងជួញដូរគ្រឿងញៀន នៅចំណុចភូមិសណ្តាន់ សង្កាត់ទឹកវិល ក្រុងសៀមរាប ខេត្តសៀមរាប និងចំណុចភូមិវាល សង្កាត់គោកចក ក្រុងសៀមរាប ខេត្តសៀមរាប ដោយឃាត់ខ្លួនជនសង្ស័យចំនួន ០៣នាក់៖

១.ឈ្មោះ ជិន វិចិត្រ ភេទប្រុស អាយុ ២៥ឆ្នាំ មុខរបរជាងឈើ ទីលំនៅភូមិកសិកម្ម សង្កាត់ស្រង៉ែ ក្រុងសៀមរាប ខេត្តសៀមរាប។

២.ឈ្មោះ នួន មករា ភេទប្រុស អាយុ ១៧ឆ្នាំមុខរបរសិស្ស ទីលំនៅភូមិវាល សង្កាត់គោកចក ក្រុងសៀមរាប ខេត្តសៀមរាប។

៣.ឈ្មោះ វង់ វីន ភេទប្រុស អាយុ ១៨ឆ្នាំ មុខរបរបើកបរ ទីលំនៅភូមិកសិកម្ម សង្កាត់ស្រង៉ែ ក្រុងសៀមរាប ខេត្តសៀមរាប។

កម្លាំងបានដកហូតវត្ថុតាង ម្សៅគ្រើមពណ៌សរ ម៉ាទឹកកកចំនួន ១៩កញ្ចប់ ទម្ងន់ ៦៧៦,៧២ក្រាម និងទូរស័ព្ទចំនួន ០២គ្រឿង។

បច្ចុប្បន្នជនសង្ស័យ និងវត្ថុតាង ត្រូវបានកម្លាំងកងរាជអាវុធហត្ថខេត្តកសាងសំណុំរឿង បញ្ជូនទៅសាលាដំបូង ។