សៀមរាប៖ នៅវេលាម៉ោង ២០ និង០០នាទី ថ្ងៃទី១៨ ខែមករា ឆ្នាំ២០១៨ កម្លាំងកងរាជអាវុធហត្ថខេត្តសៀមរាប សហការជាមួយកម្លាំងមូលដ្ឋានកងរាជអាវុធហត្ថស្រុកពួក  បានបង្ក្រាបករណី រក្សាទុក និងជួញដូរគ្រឿងញៀន នៅចំណុចភូមិគោកដូង ឃុំពួក ស្រុកពួក ខេត្តសៀមរាប និងចំណុចភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប ដោយឃាត់ខ្លួនជនសង្ស័យបានចំនួន ០៤ នាក់៖

១.ឈ្មោះ យឹន សុខនី ភេទប្រុស អាយុ ២៧ឆ្នាំ មុខរបររត់ម៉ូតូឌុប ទីលំនៅភូមិទក្សិណត្បូង សង្កាត់គោកចក ក្រុងសៀមរាប ខេត្តសៀមរាប។

២.ឈ្មោះ ភាព ចាន់វ៉ាឃីម ភេទប្រុស អាយុ ១៦ឆ្នាំ មុខរបរសិស្ស ទីលំនៅភូមិថ្នល់ សង្កាត់ស្រង៉ែ ក្រុងសៀមរាប ខេត្តសៀមរាប។

៣.ឈ្មោះ រ៉ា វាសនា ភេទប្រុស អាយុ ១៧ឆ្នាំ មុខរបរមិនពិតប្រាកដ ទីលំនៅភូមិសណ្តាន់ សង្កាត់ទឹកវិល ក្រុងសៀមរាប ខេត្តសៀមរាប។

៤.ឈ្មោះ វ៉ន មករា ភេទប្រុស អាយុ ២០ឆ្នាំ មុខរបរមិនពិតប្រាកដ ទីលំនៅភូមិថ្នល់ សង្កាត់ស្រង៉ែ ក្រុងសៀមរាប ខេត្តសៀមរាប។

កម្លាំងបានចាប់យកវត្ថុតាង ម្សៅគ្រើមម៉ាទឹកកកចំនួន ០៧កញ្ចប់ ទម្ងន់ ២,៥៥ក្រាម និងទូរស័ព្ទចំនួន ០៣គ្រឿង។

បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកសាងសំណុំរឿង បញ្ជូនទៅសាលាដំបូងខេត្ត ។