ព្រះវិហារ៖ នៅវេលាម៉ោង ០៩ និង ៣០នាទី ថ្ងៃទី២០ ខែមករា ឆ្នាំ២០១៨ កម្លាំងមូលដ្ឋានកងរាជអាវុធហត្ថស្រុកជាក្សាន្ត និងកម្លាំងស្នាក់ការសន្តិសុខ បានចុះបង្ក្រាបករណីរក្សាទុក ជួញដូរ និងប្រើប្រាស់គ្រឿងញៀន នៅចំណុចភូមិទឹកក្រហម ឃុំទឹកក្រហម ស្រុកជាំក្សាន្ត ខេត្តព្រះវិហារ ដោយឃាត់ខ្លួនជនសង្ស័យម្នាក់ឈ្មោះ ម៉ន សាវីន ភេទប្រុស អាយុ ២៨ឆ្នាំ មុខរបរកសិករ រស់នៅភូមិឃុំកើតហេតុខាងលើ កម្លាំងបានដកហូតវត្ថុតាងរួមមាន៖

១.ថ្នាំញៀនម្សៅក្រាមពណ៌សថ្លា(ម៉ាទឹកកក)ចំនួន ២៦កញ្ចប់

២.គ្រាប់ AK47 ចំនួន ០៦គ្រាប់ គ្រាប់ AK 57ចំនួន ២៥០គ្រាប់

៣.លុយខ្មែរចំនួន ២២៥០០៛

៤.ដាវ ០១ដើម

៥.កាបូបដាក់លុយ០១

៦.ទូរស័ព្ទចំនួន ០១គ្រឿង និងសម្ភារៈសម្រាប់សេពគ្រឿងញៀនមួយចំនួនទៀត។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ កំពុងកសាងសំណុំរឿង ដើម្បីចាត់ការតាមនីតិវិធី។