បន្ទាយមានជ័យ៖ ថ្ងៃទី២១  ខែមករា ឆ្នាំ២០១៨  លោកឧត្តមសេនីយ៍ត្រី វង្ស ធី  មេបញ្ជាការរងកងរាជអាវុធហត្ថខេត្ត  បានដឹកនាំនាយទាហាន នាយទាហានរងកងរាជអាវុធហត្ថខេត្ត បាននាំយកបច្ច័យ ចំនួន ១០.៣០០.០០០រៀល (ដប់លាន សាមសិបម៉ឺនរៀលគត់) និងអង្ករចំនួន ១០ការ៉ុង របស់លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត ទៅចូលរួមបុណ្យសពភរិយាលោកអនុសេនីយ៍ឯក ញៀម វុធ  ដែលបានទទួលមរណៈភាពដោយរោគាពាធ នៅភូមិអញ្ចាញ ឃុំឬស្សីក្រោក ស្រុកមង្គលបូរី ។ ក្នុងពិធីនោះផងដែរ  លោកឧត្តមសេនីយ៍ត្រី  វង្ស ធី បានបញ្ជាក់ថា ៖  ដោយអនុវត្តតាមអនុសាសន៍ណែនាំរបស់ លោកនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ។  លោកឧត្តមសេនីយ៍ មេបញ្ជាការកងរាជអាវុធហត្ថខេត្ត  តែងតែបំផុស និងណែនាំដល់កម្លាំងអាវុធហត្ថទាំងអស់ ឱ្យចូលរួមគាំទ្រដល់អាវុធហត្ថ ដែលជួបការលំបាក និងជួបគ្រោះមហន្តរាយផ្សេងៗជាយថាហេតុ  ។ លោកឧត្តមសេនីយ៍ត្រី វង្ស ធី បានបញ្ជាក់បន្ថែមថា៖ ជាក់ស្តែងថវិកាទាំងអស់នេះ  គឺបានពីការឧបត្ថម្ភផ្ទាល់ពីសំណាក់លោកឧត្តមសេនីយ៍មេបញ្ជាការ  លោកមេបញ្ជាការរង និងនាយ-នាយទាហានរងនៃកងរាជអាវុធហត្ថខេត្ត ទាំងអស់ ។  ទាំងនេះគឺជាការចូលរួមយ៉ាងសកម្ម ប្រកបដោយស្មារតីយកចិត្តទុកដាក់ខ្ពស់ ពីសំណាក់កងកម្លាំងនៃកងរាជអាវុធហត្ថ តាំងពីថ្នាក់ជាតិរហូតដល់ថ្នាក់ក្រោមជាតិ។