សៀមរាប៖ នៅវេលាម៉ោង ១៨ និង ០០នាទី ថ្ងៃទី២៣ ខែមករា ឆ្នាំ២០១៨ កម្លាំងកងរាជអាវុធហត្ថខេត្តសៀមរាបបានចុះបង្ក្រាបករណីរក្សាទុក និងជួញដូរគ្រឿងញៀន នៅចំណុចភូមិទី៤៨ សង្កាត់ចុងឃ្នៀស ក្រុងសៀមរាប ខេត្តសៀមរាប ។

ក្នុងនោះឃាត់ខ្លួនជនសង្ស័យចំនួន ០៣នាក់៖

១.ឈ្មោះ ចាន់ សុខភា ភេទស្រី អាយុ ២៤ឆ្នាំ មុខរបរមិនពិតប្រាកដ ទីលំនៅភូមិភ្នំក្រោម សង្កាត់សៀមរាប ក្រុងសៀមរាប ខេត្តសៀមរាប។

២.ឈ្មោះ អាន អង ភេទប្រុស អាយុ ១៧ឆ្នាំមុខរបរមិនពិតប្រាកដ ទីលំនៅភូមិទី១ សង្កាត់ចុងឃ្នៀស ក្រុងសៀមរាប ខេត្តសៀមរាប។

៣.ឈ្មោះ សេង សុភ័ក្រ ភេទប្រុស អាយុ ១៩ឆ្នាំ មុខរបរកម្មករ ទីលំនៅភូមិទី២ សង្កាត់ចុងឃ្នៀស ក្រុងសៀមរាប ខេត្តសៀមរាប។

ចាប់យកវត្ថុតាងម្សៅគ្រើមម៉ាទឹកកកចំនួន ០៧កញ្ចប់ ទម្ងន់ ៣,៤០ ក្រាម ទូរស័ព្ទចំនួន ០២គ្រឿង។

បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿង បញ្ជូនទៅសាលាដំបូង ។