សៀមរាប៖ នៅវេលាម៉ោង ១៨ និង០០នាទី ថ្ងៃទី២៤ ខែមករា ឆ្នាំ២០១៨ កម្លាំងមូលដ្ឋានកងរាជអាវុធហត្ថស្រុកពួក បានចុះបង្រាបករណី រក្សាទុក និងជួញដូរគ្រឿងញៀន នៅចំណុចភូមិស្វាយ ឃុំសសរស្តម្ភ ស្រុកពួក ខេត្តសៀមរាប ក្នុងនោះឃាត់ខ្លួនជនសង្ស័យចំនួន ០២នាក់៖

១.ឈ្មោះ យឿន ចំណាន ភេទប្រុស អាយុ ១៧ឆ្នាំ មុខរបរមិនពិតប្រាកដ ទីលំនៅភូមិថ្នល់ សង្កាត់ស្រង៉ែ ក្រុងសៀមរាប ខេត្តសៀមរាប។

២.ឈ្មោះ ផៃ ភស្ត័ ភេទប្រុស អាយុ ៣៥ឆ្នាំ មុខរបរធ្វើស្រែ ទីលំនៅភូមិសសរស្តម្ភ ឃុំសសរស្តម្ភ ស្រុកពួក ខេត្តសៀមរាប។

កម្លាំងបានដកហូតវត្ថុតាង ម្សៅគ្រើមម៉ាទឹកកកចំនួន ០១កញ្ចប់ ទម្ងន់ ១៤,៧៩ក្រាម និងទូរស័ព្ទ ០២គ្រឿង។

បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្ត កសាងសំណុំរឿង បញ្ជូនទៅសាលាដំបូង ។