ភ្នំពេញ ៖ ជនសង្ស័យ៣នាក់ ពាក់ព័ន្ធករណីចែកចាយ និងផ្តល់ទីតាំងប្រើប្រាស់គ្រឿងញៀន ត្រូវបានកម្លាំងកងរាជអាវុហត្ថសង្កាត់ ស្រះចក ខណ្ឌដូនពេញ ឃាត់ខ្លួនកាលពីវេលាម៉ោង២៣និង៤០នាទី ថ្ងៃទី១៤ ខែមករា ឆ្នាំ២០១៦ ។
ជនសង្ស័យដែលឃាត់ខ្លួនបានមានឈ្មោះ ៖
១.ឈ្មោះ ផាន់ ធា ភេទស្រី អាយុ៤៨ឆ្នាំ ស្នាក់នៅផ្ទះជួលគ្មានលេខ ខាងលើ(ជាម្ចាស់ផ្ទះនិងជាម្ចាស់ថ្នាំ)
២.ឈ្មោះ ផាន់ ណាវី ភេទប្រុស អាយុ១៨ឆ្នាំ មុខរបរនិងទីលំនៅមិនពិតប្រាកដ(ជាអ្នកមើលផ្លូវ)
៣.ឈ្មោះ យី ធី ភេទប្រុស អាយុ២៧ឆ្នាំ មុខរបរនិងទីលំនៅមិនពិតប្រាកដ(ជាអ្នកប្រើប្រាស់)។
វត្ថុតាងចាប់ដកបានមាន ក្រាមសថ្លាចំនួន៣៩កញ្ចប់តូចនិង០១កញ្ចប់ធំ ជញ្ជីងថ្លឹង ចំនួន០១ ទូរស័ព្ទ ចំនួន០៣គ្រឿង ដាវ ចំនួន០២ដើម ស្លាកលេខម៉ូតូ ចំនួន០១(ភ្នំពេញ1Y:1576) ដែកកេះ ចំនួន០៥និងសំភារះសំរាប់សេពគ្រឿងញៀនមួយចំនួន ។
បច្ចុប្បន្នជនសង្ស័យ ត្រូវបានឃាត់ខ្លួន ដើម្បីកសាងសំណុំរឿង បញ្ចូនបន្តចាត់ការតាមនីតិវិធី៕
