ក្រចេះ៖ នៅវេលាម៉ោង ០៩ និង ១០នាទី ថ្ងៃទី២៩ ខែមករា ឆ្នាំ២០១៨ កម្លាំងមូលដ្ឋានកងរាជអាវុធហត្ថស្រុកស្នួល ដឹកនាំដោយ លោកអនុសេនីយ៍ឯក ម៉ៅ សុផុន មេបញ្ជាការរង បានដឹកនាំកម្លាំងចុះ បង្ក្រាបករណីជួញដូរគ្រឿងញៀនចំនួន ០២ គោលដៅ នៅចំណុចចំការកៅស៊ូ ភូមិប៉ោដើមស្វាយ ឃុំក្រញួងសែនជ័យ ស្រុកស្មួល ​ខេត្តក្រចេះ និងនៅភូមិប៉ោដើមស្វាយ ឃុំក្រញួងសែនជ័យ ស្រុកស្នួល ខេត្តក្រចេះ ដោយឃាត់ខ្លួនជនសង្ស័យចំនួន ០៣នាក់ និងដកហូតវត្ថុតាងរួមមាន៖

១.ម្សៅក្រាមពណ៌សថ្លា ម៉ាទឹកកក ចំនួន ០៧ កញ្ចប់

២.ម៉ូតូចំនួន ០១ គ្រឿង

៣.ជញ្ជីងថ្លឹងសារធាតុញៀនចំនួន ០១ គ្រឿង

៤.ដាវចំនួន ០២

៥.រថយន្តចំនួន ០១គ្រឿង

៦.កាបូបលុយ ១

៧.ប្រាក់រៀលចំនួន ៤៩.០០០រៀល និងសម្ភារៈមួយចំនួនទៀត។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្ត កំពុងកសាងសំណុំរឿង ដើម្បីបញ្ជូនទៅតុលាការ ។