ភ្នំពេញ៖ ព្រឹកថ្ងៃទី​០១​ ខែកុម្ភៈ​ ឆ្នាំ២០១៨ នៅបន្ទាយកងរាជអាវុធហត្ថទួលពង្រ លោកឧត្តមសេនីយ៍ត្រី​ ចាន់​ សុខឿន​ ស្នងការរង​ បច្ចេកទេសសន្តិសុខ​ ដំណាង​ លោកឧត្តសេនីយ៍ឯក​ ហុង​ វិណុល​ មេបញ្ជាការរងកងរាជអាវុធហត្ថលើផ្ទៃប្រទេស បានទទួលអំណោយ ពីលោក​ Andy Liev ប្រធានក្រុមប្រឹក្សាភិបាលក្រុមហ៊ុន​ ព្រះខ័នរាជ​ និង​ជាអគ្គនាយកក្រុមហ៊ុន​ C4S international នៃប្រទេសចិន។​ អំណោយរួមមាន​ អាវក្រោះ​ ២៨កំប្លេ​, មួក​ ២៨​ , ដំបងការពារ​ ២៨​, ​វិទ្យុទាក់ទង​ ៣០​ សរុប​ ទឹកប្រាក់ជាង​ ១០០០០ ដុល្លារ។ លោកឧត្តមសេនីយ៍ត្រី​ ចាន់​ សុខឿន​ បានថ្លែងអំណរអរគុណដល់លោក ប្រធានក្រុមប្រឹក្សាភិបាលក្រុមហ៊ុនព្រះខ័នរាជ ដែលបានផ្តល់អំណោយដល់កម្លាំងកងរាជអាវុធហត្ថ ប្រើសប្រាស់សម្រាប់រក្សាសន្តិសុខ សណ្តាប់ធ្នាប់សង្គម។