កណ្តាល៖ នៅវេលាម៉ោង ១៤ និង ៤៥ នាទីថ្ងៃពុធ ១៥កើត ខែមាឃ ឆ្នាំរកា នព្វស័ក ព.ស.២៥៦១ ត្រវនឹងថ្ងៃទី៣១ ខែមករា ឆ្នាំ២០១៨ កម្លាំងមូលដ្ឋានកងរាជអាវុធហត្ថស្រុកអង្គស្នួល សហការជាមួយកម្លាំងកងរាជអាវុធហត្ថខេត្តកណ្តាល ដឹកនាំដោយលោក វរសេនីយ៍ទោ ពក សាង នាយរងសេនាធិការដ្ឋានកងរាជអាវុធហត្ថខេត្តកណ្តាល បានចុះបង្ក្រាបករណីជួញដូរ និងប្រើប្រាស់គ្រឿងញៀន នៅចំណុចផ្លូវលំមុខសាលាបឋមសិក្សាថ្នល់ទទឹង ស្ថិតក្នុងភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្តាល ដោយឃាត់ជនសង្ស័យម្នាក់ឈ្មោះ សេង គឹមហាក់ ភេទប្រុស អាយុ ២០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្ន ភូមិថ្នល់ទទឹង ឃុំតំណាក់អំពិល ស្រុកអង្គស្នួល ខេត្តកណ្តាល។

វត្ថុតាងចាប់យករួមមាន៖

១.ម្សៅក្រាមពណ៌សថ្លា ចំនួន ០២កញ្ចប់

២.ទូរស័ព្ទចំនួន ០១គ្រឿង

៣.ប្រាក់រៀលចំនួន ៧០០ រៀល។

បច្ចុប្បន្នជនសង្ស័យ រួមនឹងវត្ថុតាង ត្រូវបានកម្លាំងជំនាញ កសាងសំណុំរឿងបញ្ជូនទៅសាលាដំបូងខេត្តដើម្បីបន្តតាមនីតិវិធី ។