កណ្តាល៖ នៅវេលាម៉ោង ១២និង ៣០នាទីថ្ងៃសៅរ៍ ៣រោច ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០៣ ខែមករា ឆ្នាំ២០១៨  កម្លាំងមូលដ្ឋានកងរាជអាវុធហត្ថស្រុកពញាឮ ដឹកនាំដោយ លោក វរសេនីយ៍ត្រី មុំ សាមុន មេបញ្ជាការមូលដ្ឋានកងរាជអាវុធហត្ថស្រុក បា​នចុះបង្រ្កាបមុខសញ្ញាជួញដូរ និងប្រើប្រាស់គ្រឿងញៀន នៅចំណុចភូមិភ្នំ ឃុំផ្សាដែក ស្រុកពញាឮ ដោយឃាត់ខ្លួនជនសង្ស័យម្នាក់ឈ្មោះ សៀង សម្បត្តិ ភេទប្រុស អាយុ ៣៧ឆ្នាំ ទីលំនៅភូមិធម្មត្រ័យ ឃុំផ្សាដែក ស្រុកពញាឮ ខេត្តកណ្តាល។ វត្ថុតាងចាប់យកមានម្សៅក្រាមសថ្លាចំនួន ០៣កញ្ចប់ និងសម្ភារៈសម្រាប់វេចខ្ចប់ និងសេពគ្រឿងញៀនមួយចំនួន។

បច្ចុប្បន្នជនសង្ស័យ រួមនឹងវត្ថុតាង ត្រូវបានកម្លាំងជំនាញកងរាជអាវុធហត្ថ កសាងសំណុំរឿងបញ្ជូនទៅសាលាដំបូងខេត្តតាមនីតិវិធី ។