ប៉ៃលិន៖ នៅវេលាម៉ោង ០៨ ព្រឹកថ្ងៃអង្គារ ៦រោច ខែមាឃ​ ឆ្នាំរកា ព.ស.២៥៦១ ត្រូវនឹងថ្ងៃទី០៦ កុម្ភៈ ២០១៨ កម្លាំងមន្ទីរយុត្តិធម៌កងរាជអាវុធហត្ថខេត្តប៉ៃលិន និងមូលដ្ឋានកងរាជអាវុធហត្ថក្រុងប៉ៃលិន ដឹកនាំដោយលោកវរសេនីយ៍ត្រី​ ប្រាក់ សុធា​ អនុប្រធានមន្ទីរយុត្តិធម៌ខេត្ត បានចុះផ្សព្វផ្សាយផែនការប្រយុទ្ធប្រឆាំង​គ្រឿងញៀន ខុសច្បាប់របស់រាជរដ្ឋាភិបាល ស្ដីពី ផលប៉ះពាល់គ្រោះថ្នាក់ នៃគ្រឿងញៀន ការជួញដូរ ចែកចាយ រក្សាទុក និងប្រើប្រាស់គ្រឿងញៀនជាអំពើខុសច្បាប់។ ​ការផ្សព្វផ្សាយនេះនៅអនុវិទ្យាល័យ ប៉ាងរលឹម ស្ថិតនៅភូមិប៉ាងរលឹម សង្កាត់អូរតាវ៉ៅ​ ក្រុងប៉ៃលិន ខេត្តប៉ៃលិន ក្នុងពីធីនោះដែរមានការចូលរួមពីសិស្សានុសិស្ស លោកគ្រូ​​ អ្នកគ្រូ​​សរុបចំនួន ៧៤៧ នាក់​  ។