សៀមរាប៖ នៅវេលាម៉ោង ១៨ និង ០០នាទីថ្ងៃទី០៥ ខែកុម្ភៈ ឆ្នាំ២០១៨ កម្លាំងកងរាជអាវុធហត្ថខេត្តសៀមរាប សហការជាមួយមូលដ្ឋានកងរាជអាវុធហត្ថក្រុងសៀមរាប បានចុះបង្ក្រាបករណី រក្សាទុក និងជួញដូរគ្រឿងញៀន  នៅចំណុចភូមិទក្សិណត្បូង សង្កាត់គោកចក ក្រុងខេត្តសៀមរាប ក្នុងនោះឃាត់ខ្លួនជនសង្ស័យចំនួន ០៦នាក់ដោយចាប់យកវត្ថុតាងម្សៅគ្រើមម៉ាទឹកកកចំនួន ០៣កញ្ចប់ ទម្ងន់ ៦,២៥ក្រាម និងទូរស័ព្ទចំនួន ០៤គ្រឿង។ បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ កសាងសំណុំរឿង បញ្ជូនទៅសាលាដំបូងខេត្ត ។