ព្រះសីហនុ៖ នៅវេលាម៉ោង ១២ និង ០០ នាទីថ្ងៃអង្គារ ៦រោច ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០៦ ខែកុម្ភៈ ឆ្នាំ២០១៨ កម្លាំងការិយាល័យបទល្មើសគ្រឿងញៀន ដឹកនាំដោយលោកវរសេនីយ៍ត្រី ឡុង គឹមហួរ នាយការិយាល័យបទល្មើសគ្រឿងញៀន បានចុះបង្គ្រាបករណីគ្រឿងញៀន នៅចំណុចផែរ៉ូយ៉ាល់ ស្ថិតក្រុម១៤ ភូមិ៤ សង្កាត់៤ ក្រុង-ខេត្តព្រះសីហនុ ដោយឃាត់ខ្លួនជនសង្ស័យចំនួន ០២នាក់៖

១-ឈ្មោះ ឡៅ ហាក់ ភេទប្រុស អាយុ ៣២ឆ្នាំ មុខរបរចិញ្ចឹមជ្រូក មានទីលំនៅឃុំត្រពាំងអង្កែ ស្រុកទឹកឈូរ ខេត្តកំពត។

២-ឈ្មោះ ម៉ែល ចំប៉ី ហៅអាពៅ ភេទស្រី  អាយុ ៣២ឆ្នាំ មុខរបរលក់ទឹកសណ្តែកមានទីលំនៅ ឃុំតាលន់ ស្រុកស្អាង ខេត្តកណ្តាល។

កម្លាំងបានដកហូតវត្ថុតាងមាន៖

១-ម្សៅក្រាមពណ៌សថ្លាចំនួន 0៦កញ្ចប់ (ថ្លឹងទាំងសម្បក ៨,៨៦ក្រាម)

២-ទូរស័ព្ទចំនួន 0១ គ្រឿង

៣-ម៉ូតូចំនួន ០១ គ្រឿង

បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ កសាងសំណុំរឿង បញ្ជូនទៅសាលាដំបូងខេត្ត ។