កណ្តាល៖ ព្រឹកថ្ងៃសុក្រ ៩រោច ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០៩ ខែកុម្ភៈ ឆ្នាំ២០១៨ កម្លាំងមន្ទីរយុត្តិធម៌កងរាជអាវុធហត្ថខេត្តកណ្តាល និងកម្លាំងមូលដ្ឋានកងរាជអាវុធហត្ថស្រុកកោះធំ ដឹកនាំដោយលោក វរសេនីយ៍ទោ ពក សាង នាយរងសេនាធិការ ទទួលការងារប្រឆាំងបទល្មើសគ្រឿងញៀន បានចុះអប់រំផ្សព្វផ្សាយអំពីផលប៉ះពាល់និងគ្រោះថ្នាក់ដែលបណ្តាលមកពីការប្រើប្រាស់គ្រឿងញៀន នៅវិទ្យាល័យ ហ៊ុន សែន កោះធំ ស្ថិតក្នុងភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល។
ដោយមានការអញ្ជើញចូលរួមពី លោកអភិបាលរងស្រុក រិយាលយ័អប់រំស្រុក លោកគ្រូ អ្នកគ្រូ សិស្សានុសិស្សសរុបចំនួន ១៥៣៥នាក់ ស្រី ៨៣១នាក់ ។
ក្នុងឱកាសនោះលោក វរសេនីយ៍ទោ ពក សាងបានផ្តល់សំភារៈកីឡាជូនដល់សាលាដែលជាអំណោយរបស់លោក ឧត្តមសេនីយ៍ សំ តុលា មេបញ្ជាការកងរាជអាវុធហត្ថខេត្ត។
