កំពង់ចាម៖ នៅរសៀលថ្ងៃអាទិត្យ ១១រោច ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១១ ខែកុម្ភៈ ឆ្នាំ ២០១៨ លោកឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្ត បានដឹកនាំមន្ត្រីក្រោមឱវាទ អញ្ជើញចូលរួមគោរពវិញ្ញាណក្ខន្ធ សពលោកអនុសេនីយ៍ឯក ចន សុភា អនុប្រធានមន្ទីរភស្តុភារកងរាជអាវុធហត្ថខេត្ត ដែលទទួលមរណៈភាពដោយគ្រោះថ្នាក់ចរាចរណ៍នៅរាជធានីភ្នំពេញ ដែលពិធីនេះប្រព្រឹត្តទៅនៅគេហដ្ឋាននៃសពស្ថិតនៅភូមិល្វេក្រោម ឃុំល្វេ ស្រុកកោះសូទិន ខេត្តកំពង់ចាម ។ ក្នុងនោះដែរលោកឧត្តមសេនីយ៍ មេបញ្ជាការក៏បាននាំយកថវិការបស់នាយ នាយរង និងពលអាវុធហត្ថចំណុះឱ្យបញ្ជាការដ្ឋានកងរាជអាវុធហត្ថខេត្តចំនួន ១.៥០០.០០០ ៛ និងថវិកាផ្ទាល់របស់លោកមេបញ្ជាការ ៣.៥០០.០០០ ៛ សរុប ទាំងអស់ ចំនួន ៥.០០០.០០០ ៛ ចូលបុណ្យដល់គ្រួសារសពផងដែរ ។