កំពង់ស្ពឺ៖ នៅវេលាម៉ៅង ០៨ និង ៣០នាទី យប់ថ្ងៃច័ន្ទ ១២រោច ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១២ ខែកុម្ភៈ ឆ្នាំ២០១៨ ដោយមានការសម្របសម្រួលនីតិវិធីពីលោក កែវ សុធា ព្រះរាជអាជ្ញាអមសាលាដំបូងខេត្តកំពង់ស្ពឺ កម្លាំងកងរាជអាវុធហត្ថខេត្ត បានឃាត់ខ្លួនជនសង្ស័យចំនួន០៤ នាក់ នៅចំណុចភូមិត្រពាំងខ្ចង ឃុំទួលអំពឹល ស្រុកបរសេដ្ឋ ខេត្តកំពង់ស្ពឺ ពាក់ព័ន្ធទៅនិងបទល្មើសគ្រឿងញៀន ក្នុងនោះបានដកហូតវត្ថុតាងរួមមាន ៖

១-ម៉ូតូចំនួន ០២គ្រឿង

២-ម្សៅក្រាមពណ៌សថ្លាចំនួន ០៦ កញ្ចប់ ទម្ងន់ ៣៦,៣៤ ក្រាម

៣-ជញ្ជីងថ្លឹងថ្នាំ ០១គ្រឿង

៤-ប្រាក់រៀលចំនួន ១២ ម៉ឺនរៀល

៥-ទូរស័ព្ទចំនួន ០៣គ្រឿង រួមនិងសម្ភារៈសម្រាប់វេចខ្ចប់និងសេពគ្រឿងញៀនមួយចំនួនទៀត។

បច្ចុប្បន្ន ជនសង្ស័យ និងវត្ថុតាងត្រូវបានមន្ត្រីជំនាញ កងរាជអាវុធហត្ថខេត្ត កំពុងបន្តតាមនីតិវិធី ។