តាកែវ៖ វេលាម៉ោង ១៦ និង ២០នាទីថ្ងៃទី០៨ ខែកុម្ភៈ ឆ្នាំ២០១៨ កម្លាំងការិយាល័យបទល្មើសគ្រឿងញៀនកងរាជអាវុធហត្ថខេត្តតាកែវ ដឹកនាំដោយលោកវរសេនីយ៍ឯក ង៉ែត ចាន់ធី បញ្ជាការរងទទួលផែនយុត្តិធម៌ ចុះបង្ក្រាបមុខសញ្ញា ជួញដូរ និងប្រើប្រាស់គ្រឿងញៀន នៅចំនុចភូមិប្រសៀត ឃុំលំចង់ ស្រុកសំរោង ខេត្តតាកែវ ដោយឃាត់ខ្លួនជនសង្ស័យចំនួន ០២នាក់៖

១.ឈ្មោះ គង់ គា ភេទប្រុស អាយុ ២៤ ឆ្នាំ មុខរបរមិនពិតប្រាកដ រស់នៅកន្លែងកើតហេតុ

២.ឈ្មោះ សុទ្ធ លីន ភេទប្រុស អាយុ ២៦ ឆ្នាំ មុខរបរមិនពិតប្រាកដ  រស់កន្លែងកើតហេតុ

កម្លាំងបានដកហូតវត្ថុតាង៖

១.ម្សៅក្រាមពណ៌សថ្លាចំនួន ០២ កញ្ចប់ទំងន់ ០៥,៩៨ក្រាម

២.ជញ្ជីងថ្លឹងចំនួន ០១ គ្រឿង

៣.ទូរស័ព្ទចំនួន ០៣ គ្រឿង

៤.លុយរៀលចំនួន ៨០.០០០រៀល

ជនសង្ស័យ និងវត្ថុតាង ត្រូវបានការិយាល័យជំនាញកំពុងកសាងសំនុំរឿង ដើម្បីបញ្ជូនទៅសាលាដំបូងខេត្ត។